PlayStation 3

欲知前提請看：我與老公〝蚊脾與牛脾〞

我去到見到肥仔玩緊〝Wii〞，阿嫂係廚房，唉！唔見肥阿哥，但又見到多左部野就係〝PlayStation 3〞和2個手制，我都估到以肥阿哥性格會買架喇！

我真係大鄉理以為個手製一個無線，一個有線，原來有線連住果隻都有無線，條線係charge電用既。

究竟肥阿哥去左邊呢？去左買條新〝HDMI〞線。在開餐前品嚐左〝迷你雞批〞，阿嫂和肥仔都唔吃的，估唔到肥阿哥原來好愛吃，但都剩2隻，因為D餡好難食，我咬開後見到D餡好似〝臘腸、臘肉〞，老公話D雞肉乾晒，但乾極都唔會咁架，下次都係唔幫襯佢。

肥仔玩到攰要抖抖到我玩〝Wii〞，但玩左一局肥阿哥就回來，跟住就開餐。我地晚餐除左〝KFC〞外，還有阿嫂既米粉，米粉加埋〝新東陽~嚕肉燥〞好好味丫！我和肥仔全碗吃晒，仲連湯都飲埋，不過阿嫂話嚕肉燥唔係成日有得買。

我食完碗米粉就去左打機，因為肥阿哥要玩〝PlayStation 3〞，我趁佢地食野就繼續玩。我見佢地玩〝PlayStation 3〞又係玩〝真~三國無相〞，唔知點解佢地玩極都唔厭既呢？

〝大力水手‧奧利芙〞係阿哥&阿嫂結婚時放係車頭既公仔，我想影好耐，頭先趁有時間咪去影囉！我覺得幾特別丫！