老公獎又唔見你中

尋日我、老公、阿嫂、肥仔和娣婦約好今日陪阿B行街街，而肥阿哥要去公司〝Annual Dinner〞，我以為佢唔出嚟，點知有出喎！唔知與阿B歲半有冇關呢？

我地一齊係〝千色店~A1〞食完早餐，見到阿B〝聊〞女仕應們，笑到我地死。之後又行左〝千色店〞，再去〝吉之島〞行和室外公園玩。

原本去〝吉之島〞陪肥仔佢地去買野比阿B外，我想去〝10蚊店〞買麵豉醬煮〝麵豉湯〞，之前去過〝熊貓〞果邊冇得買，點知〝吉之島〞都冇貨，真激死~D野唔要就有想要時又冇，算喇！下次再睇下。雖然，買唔到麵豉醬，但係我買左個錫紙兜，這個size攜帶方便，又適合送比朋友。

〝吉之島〞後我地又折返〝千色店〞買野，在折返途中我入左去〝Clipper〞，叫佢地去先，我一陣去找他們。其實，去〝吉之島〞途中都想入去行，但又唔想成班人等我，所以冇去，而家有機會梗入去逛逛。

〝Clipper〞現在減價中，但唔知幾時減完，在店內有一隻貓貓，它與店員在店內追逐、奔跑，玩得好開心。我見店內的貨品架上多半貨品數量並不多，有些都想買，但待搬定後才買，不過，我都左4隻豉油碟，老公知道實覺得浪費。

我地會合後就相討買什麼晚餐去肥阿哥家吃？最後除娣婦吃車仔麵外，全部吃粥，炸襾或腸粉，老公係倒豉油時發現在腸粉上看到隻〝不明物體〞，不過，一眼就知是什麼，在倒豉油前老公已看過盒腸粉沒有什麼，所以這隻〝小強〞一定是從豉油來的。

老公這發現都令大家對手上一包包的豉油有些猶豫〝倒唔倒好呢？〞，始終大家都有倒，因為沒有這些甜豉油就唔好食，我地應該冇事，但老公就難講D，他的身體冇我地咁強。臨走前約左肥仔明天係樓下餐廳等，再帶阿B去打歲半針。