阿B平時都有拎住塊紙皮玩，但今朝見到佢係拎住塊紙皮〝攝〞係餐枱腳、餐櫈腳，然後想撬起它們，就好似玩槓桿原理咁樣，我地從來都冇係佢面前做過D咁既野，阿B真係好醒，其實，佢咩都識，但唔知點解總係唔講野。
我地見佢有時拎住個電話講野，我地搭訕佢就唔講，佢寧願同電視講野，都唔同我地講，不過，佢講既都係一D發音，不是一個完整既字，但叫佢跟我地講〝mum mum〞、〝餅〞有時都會講既。
阿B到左旁晚時份又著住我對拖鞋行絮步，行行下得返一隻，笑到阿公見牙唔見眼。跟住見到肥仔返嚟數錢奉獻比阿媽時，阿B見到左手有2張五百蚊，而右手係D一百蚊，即刻攞2張五百蚊，你話佢幾識貨呢？後尾肥仔就用橡皮筋箍住等阿B一陣比阿媽時方便D。
粥煲好後，阿媽就餵阿B吃粥，跟住肥仔將奉獻比阿B轉交比阿媽，阿B好順灘比左阿媽，梗係喇！佢要自己食粥大過天嘛！
睇下比完即刻自己再食粥，而家拎匙羹叻左好多架喇！快D學識自己食就唔駛我地餵可以一齊食喇！
沒有留言:
發佈留言