滾油洗禮‧約會告吹

早上回到家中，阿媽就問我：「今晚你整薯仔炆雞翼好唔好？」，當然冇問題喇！之後阿媽就返工。阿B起身食完奶後，就一齊落街買雙面膠紙整埋尋日未完的廚房，落下看更話今日上午冇食水，下午冇鹹水。

後來記起今日有朋友生日約左食飯，所以就同阿婆講今晚唔係到食飯，雖然如此，我都仍然會整〝薯仔炆雞翼〞，我唔係到食，但其他人都食架嘛！又諗少樣餸，加上聽到阿媽同阿婆講放工買唔到餸，所以等到有水就開始煮。

今日好忙整完廚房、執屋，再煮〝薯仔炆雞翼〞，先炸薯仔後炸雞翼，阿B係我執屋時己訓左，但當我開始炸雞翼就醒左。當時已4點幾係阿B食奶時間，所以我立即去開奶，然後繼續煮，阿B中場休息又扭計又喊，於是我拎住個鑊蓋入去睇下咩事，但怕雞翼燶，望一望後返回廚房，我從鑊蓋條隙望雞翼~真係有少少燶，於是我就從隙夾起雞翼，就係一剎那間油爆得好勁，兩隻手和面都被油爆到，同一時間在我眼前有油彈在眼鏡片上散開，散開的範圍有五毫子咁大，當時我又驚又怕又痛又大叫，使我手上所有野都掉落地上。

我去到鏡前望下塊面，見到眼皮微微腫起，於是立即在灼傷處搽〝牙膏〞。死喇！我未洗白白，一陣點算呢？好痛架喎！但當前有3件重要事一定要做左先。

第一‧打比肥仔叫佢請假，明天我唔湊阿B，因為我怕塊面會腫起一舊舊。

第二‧打比老公話比佢知我現在情況和今晚去唔到食飯。

第三‧今日有朋友生日約左食飯，而家去唔到，要通知朋友，但係這班朋友的聚會我常常都去唔到，一係應承去，但臨時有事去唔到，就好似今次咁，對於佢地都有點唔好意思。

這3件事都做完，我又要繼續炸埋未炸的雞翼，突然又彈油，今次冇事，不過，驚到個心都跌出嚟！洗白白時灼傷的地方被水掂到好鬼痛，阿媽放工後知道就問我點樣？點會攪到咁？尋日炸魚柳都冇事。原本我有朋友生日約左食飯，但又應承左你煮，又聽到你同阿婆講放工買唔到餸，阿B扭計，我心急整囉！下次應承左可以唔煮，可以煎午餐肉、開豆豉鯪魚，成日食都厭喇！

剛才好在戴住眼鏡唔係眼都盲，要即刻去急症，炸既時候都怕被油彈到已用鑊蓋擋住，點知咁勁係條隙都中招。我被油炸到後右邊手指尾腫了少少和痛，手背有幾點紅和痛，所以我怕明天塊面都係咁就唔知點出街，咪叫肥仔明天請假，而家個〝人中〞好似傷風流鼻個鼻損左咁痛。基本上我沒有表面傷痕，實際就好痛。