阿B變阿呆

11 January 2008

 

前幾日已見到阿B有鼻水，但就冇流出鼻外，只是停留在鼻窿門口，所以我都冇報案，但尋日我唔舒服係下午4點幾就走人，係等車時我向娣婦報案見到阿B今日都鼻水流出，但不多，兼報告埋這幾天的我觀察情況。

今日我見阿B個情況好似嚴重左，早上9點幾打左3個乞嚏約半分鐘一個，跟住有鼻水流出，即時變左小阮子朋友~阿呆。我見此情況立即向娣婦匯報，係我打電話途中阿B又打多2個乞嚏，即刻有2條蟲從鼻流出，我與娣婦通電後決定帶阿B去睇醫生。娣婦話請2個鐘假帶阿B去，梗係唔駛喇！我帶阿B係醫生到等咪得囉！我諗可能係我要抱阿B又要拎埋其他野唔方便，最後，娣婦都係回家與我一齊去。

肥仔已到達診所，但我們還未出門口，唯有叫肥仔幫阿B掛號先，仲有6個人到阿B，咁既時勢梗係搭的士喇！我地一上的士時司機已講緊電話，到落車仲未傾完，就係落車一刻差D出事。

事發經過：

阿B上車坐係我與娣婦中間，過左一陣又要去我邊睇風景，我就將佢側坐全身面向車窗，我就將一隻手穿過阿B兩個腋窩下〝咔〞住阿B，而佢自己就將雙手放在車窗邊，係落車時司機好人幫我開車門，但佢唔知阿B雙手放在車窗邊上，我見車門徐徐打開，而阿B雙手依然都係果個pose。

司機係出於好心，可能佢講緊電話冇留意到，好在我〝咔〞住阿B唔係又見紅，到時我都唔知點好？輪到我唔敢帶阿B出街，老公話冇〝咔〞住既話會穿頭架！

到達診所一陣，肥仔就去剪髮唔係就冇時間剪。醫生見過阿B都冇特別野，只是個鼻內紅腫，而上下大牙牙肉都腫脹，應該就快出牙仔，我地還有問醫生其他問題。每次醫生都會比餅阿B食，阿B一拎到好快就食晒，好似想添食咁，當然醫生唔會再比，阿B唔好妄想喇！

我地向髮廊進發，去到肥仔差不多剪完，原本老公明天嚟剪，我問左髮型師等埋老公，剛好老公來電，我就叫佢快D嚟。

大家在等候時商討晚餐吃咩？娣婦想去D寬敞既地方方便阿B，我諗到〝百人一珠〞，但路途遙遠，肥仔又唔想食〝吉野家〞，最後，肥仔決定去〝元綠〞。