醜怪‧扭計

肥仔尋日話娣婦想今日飲茶，所以就約好晒我地，其實，我不喜歡飲茶。阿嫂和肥仔帶阿B去搵位先，我要等老公訓多一陣才去，肥阿哥和娣婦放工後就來。

之前肥仔來電話已入座，但阿B有些眼訓，我去到酒樓離遠已見到阿B扭計，佢地見到我地後就同阿B我地來了，我見阿B東張西望，後來漸漸行近才見到我地，阿B見到我地立即笑，見到都冧。

阿嫂話阿B頭先掹指住門口要出去，我坐左一陣阿B又要去我到，我梗係冇理佢喇！因為我剛咬左鳳爪一啖，食鳳爪好〝倫俊〞架嘛！跟住阿B就喊喇！真係聲淚俱下架！後來阿嫂抱左佢出去行下。

肥仔去完厠所回來就出左去搵阿B，之後我就見到肥仔、娣婦和阿嫂抱住阿B回來。衰豬返嚟見到佢偷笑，坐多一陣又扭過，娣婦見此就出剎手簡〝NDS〞，阿B見到後笑到丫~

阿B玩玩下又皺晒眉，我就行過去同佢玩下，點知佢又要我抱，我見我食完野咪抱佢出去睇車。我忘了幫阿B著外套，唯有將自己件衫盡量包住阿B，都不敢在外逗留太耐。

阿嫂見肥阿哥咁耐都未到就打比佢，原來肥阿哥想買〝Play Stations 3〞，剛剛去左睇。肥阿哥只吃左少少野，因為頭先係公司食左野，所以由肥阿哥負責抱阿B出去行。阿B不能坐係同一個地方太耐，返入嚟一陣又扭，最後都係要我抱。我抱住佢輕輕搖和拍他已差不多睡著，他的眼皮不斷向下垂，終於訓左。

在幾個字後要走，我就幫他著衫，但弄醒了他~真係失敗。落到酒樓肥仔抱起他，所以還是吃緊奶咀。

後來放了阿B在地行，雖然，有跌在地上，但佢行得幾開心。每個人總會有起有跌，總之懂得爬起來就不要緊喇！

27 January 2008 後補：

阿嫂話阿B頭先睇到雜誌有靚女即刻偷笑，個樣好怕醜咁，跟住佢地問佢〝蘇民峰〞靚唔靚仔時，退後冇反應，但問佢〝任達華〞靚唔靚仔就笑騎騎，拍晒手，難度阿B真係識分靚唔靚？