不喜歡你這樣！

食完飯等小巴時老公話頭先嚟係巴士到聞到好香〝Pie&Tat〞既Tat味想食，老公好鐘意食雞批個皮，在車程期間老公想一陣去買雞批食，但你剛食完飯喎！你食得落咩？點知佢話晏D食，咁即係又擺到明天食，老公即刻話我今晚會食晒，既然佢想食就去買喇！等我遲D又試下整先。

回到家中老公就話好攰要12點前訓，佢洗完白白，再食埋個批又睇左一陣電視就用電腦，而我就繼續寫Blog，不過，發生左少少事，令到我有D唔開心。

老公電腦個無線mouse間中都會神神地，我地仲有個有線mouse作後備，頭先個無線mouse又神，我見老公有D發脾氣就好聲叫佢用個後備喇！點知佢一D反應都冇，仲繼續試，跟住又問我係咪冇電，但我剛換左電不久，佢繼續試，而我又繼續叫佢用後備。

我見老公還是這樣，就比上面幅相援佢睇援和氣氛，佢見到都笑，之後佢依然死心不息，叫到我有D滾，就到我發脾氣，佢見我咁樣就對我講〝我都唔係發你脾氣，我好攰〞，但係我剛對你講〝我唔鍾意你咁樣〞，之後我去左刷牙預備睡。

攪掂我就繼續寫Blog，老公突然擰過嚟〝笑口勢勢〞講〝對唔住〞，我當然冇理佢，但我心中已沒有嬲，佢見我冇理佢就指住我個肚腩不斷重覆講左幾句野‧‧‧

老公：肚腩你知唔知丫？

老公：豬腩肉你知唔知丫？

老公：米之連你知唔知丫？

但我一句都冇應佢，跟住就熄燈去睡，老公不出一分鐘就睡了。其實，我明天就會采返佢架喇！邊可以嬲咁耐架！