笨手笨腳‧跌眼鏡

每年新年阿公和阿婆都會回鄉渡過，至少住半個月才回來。今年佢地會係下星期尾就起程回鄉，所以我趁肥仔尋日放假和阿婆係到多一個人湊阿B，我就計劃左尋日清潔廚房迎接新年。不過，尋日同阿B打針後，又去左行街，都冇晒時間，所以改為今日。

早上十點幾開工，〝孱〞廚房牆、牆隙的油煙積、爐灶，然後將保鮮紙舖係牆上，保護牆身免沾油煙方便清潔，只要撕去舊保鮮紙換新保鮮紙就可以，唔駛抺餐死，這個方法係朋友教的。我舖第一張時已出事，我被保鮮紙的剧畀到隻手，當時我只見表皮被畀起，不久就有少少血浸出，就貼左塊膠布，之後開始有D忍忍痛。

尋日係〝日本城〞買左一隻廚房專用銀色類似卡紙的質地舖係爐灶底，應該唔會好似之前紙咁咁快爛，在爐灶附近舖上廚房專用銀色的廚房紙，整個過程直到6點幾，但還欠少少未完成，因為雙面膠紙用晒，明天買再黏。

當然中途有食飯喇，係12點幾我就比阿婆煮飯，我煮餸，食完飯又同阿B覺豬，然後再開工。不過，由於肩頸、頭都好痛係11點幾時諗過等到阿媽放工就走，但又未整完，如果我唔整又冇人有時間整，係2點幾就食左粒長效，所以我就用這點做動力，令自己繼續落去。

我收工後，大家紛紛預備晚飯，其實，一早就見舊魚柳係廚房，唔知會唔會叫我煮呢？哎呀！我唔駛出招，今次係阿媽出招，佢有新攪作〝炸魚柳〞。

我與老公都唔吃魚，所以唔知好唔好味，但老公十年都會有一次吃魚柳包既，阿媽就叫老公食，但老公覺得腥冇食。阿媽幾hard sell叫老公食，佢話自己D魚柳好似〝麥麥〞果D，我即刻話你呢D唔可以同〝麥麥〞相比架喎！

這碟魚柳食過〝人人都讚好〞，阿公和娣婦試過都話好味，娣婦話仲好食過〝麥麥〞既魚柳，我問脆唔脆？周邊仲脆。大家食完飯還剩2塊魚柳，阿公&娣婦都話飽，阿公自我食左一舊，跟住叫娣婦食埋果舊，終於售罄。哎唷！今次跌眼鏡添！

我要係阿婆回鄉前要盡快執屋迎接新年，執屋一向都係我做的，因為我不喜歡亂七八糟，一見到亂就會執。尋日打完針後，趁阿B訓左都執左一D，因為我怕不夠時間執，唔係有人嚟拜年就肉酸。