摸不著頭腦@煙鴨胸‧珍寶腸

〝煙鴨胸〞係咪好靚好大舊呢？但吃落似〝珍寶腸〞。

今日2點幾老公電話響嚇到我成個彈起，因為好大聲，我一看是同屋住來電，我就立即拍醒老公聽電話。嘩！老公幾勁即刻把聲好似起左身好耐咁。同屋住想約我們明天去他的家耍樂，咁樣老公就聯絡有關人仕，但大家明天都各自有約，所以取消了。

老公剛與熊貓姐姐通電時，待她放工後與至Fit姐姐去旺角買D野，問一唔一齊吃晚飯？老公應承左，再約埋高達叔叔，過左一陣老公有個提意不如去唱K，但他擔心唱到冇車搭回家，因為上次都係坐的士回家，我就話〝早D走咪得囉！〞。這時已約5點我叫他快D決定，因為食晚飯我要現在梳洗，若去唱K我就可以遲些梳洗，還要通知有關人仕。老公與熊貓姐姐通電後，就聯絡其他人，但開心果姐姐要去〝BBQ〞，而同屋住要返工，所以不能出席。

現今卡拉OK都係食埋Buffet，今次Buffet有我喜愛既〝煙鴨胸〞，仲要係好大舊添喎！但係真係食唔出係〝煙鴨胸〞囉，我覺得似〝珍寶腸〞多D，連熊貓姐姐都話：「如果唔比我睇一定食唔出係〝煙鴨胸〞，我以為係〝珍寶腸〞咋！」，我即時諗起〝如果請阿蘇踢竇朦眼試食一定死梗。〞。

我地唱到12點半就走，差不多坐尾班巴士回家。我真係要聽多D歌先，上次去唱K前download左D新歌聽左少少，之後都冇機會聽。今次臨去前又聽下新歌，但〝臨急抱佛腳〞邊會識丫！只有個概念，去到都係開伴唱一齊唱咋！真係肉酸。

我都忘了說頭先係唱K時發生左件好攪笑的事，當老公唱劉德華〝心肝寶貝〞(國語)頭幾時，突然至Fit姐姐講左句野令到全埸哄動，充滿一片歡笑聲。究竟講左咩就係‧‧‧

至Fit姐姐：乜佢唱梗國語架？

熊貓姐姐：係丫！一聽就知喇！

我：一聽音樂就知喇！

我和熊貓姐姐好似好衰咁，不過我地都係講笑啫。我D國語已經屎，但老公比我的還要差，所以佢每次唱國歌都笑到我地肚都痛埋，老公勇氣可加，真係帶比我地好多歡樂。