今日阿B剛歲半，早上肥阿哥、阿嫂、肥仔和娣婦陪阿B上最後一堂Playgroup，約1點肥仔來電不用返學，吓！原來已係早上十點幾開班了，要係下星期再另選日子，而家佢地去食野。我立即叫醒老公梳洗，然後與他們會合。
我出門口時再與他們聯絡，佢地係〝千色店~A1〞等位。〝千色店〞內有好多人，好似買野唔駛錢咁。入到去已見阿B大個仔喇！自己食包包，我坐低一陣女仕應就來招乎我地喇！跟住阿B就開始〝聊〞女仕應們玩，邊個女仕應同佢玩阿B的視線就會隨著她走，阿B又會望著誰望住佢跟住又〝聊〞人玩，阿B有時又會偷望、含情默默，又會做出好怕羞的表情望住佢地。後來阿B仲〝聊〞街上途人玩添，當時情境真係笑到我地碌地。
我地係〝千色店〞行街街，肥仔、娣婦都想買件衫比阿B去拜年，肥仔又想買帽&背囊比阿B，我都讚成買背囊，從小訓練佢自己拎下野，因為佢要學下自立。肥仔帽就定左，而背囊要等埋娣婦才決定買邊個，但娣婦推住想訓既阿B週圍行。我地一陣又會去〝吉之島〞行，於是我提去埋〝吉之島〞才決定都不算遲，付款後就向〝吉之島〞出發。
我與肥仔都問左老公同一個問題〝你驚唔驚丫？〞，我地而家去緊〝案發現場〞(驚恐‧爆缸‧見紅)，去〝吉之島〞當然會去室外公園玩喇！老公話唔驚你地有咁多人，你地陪佢去玩，我看車和袋。公園又多人又熱，加上阿B又要食奶，所以玩左一陣就離開公園。食完奶阿嫂陪肥阿哥回家眠一眠後，肥阿哥去〝Annual Dinner〞，阿嫂再回來與我地會合。
拜年服飾有套裝、外套和一件頭，但我覺得外套比較好，買大件D都可以，但套裝和一件頭買大件D就比較‧‧‧。
我都買左個〝米奇〞水杯比阿B。我與阿嫂聯絡問〝她吃什麼？〞，我地一陣買回來一齊吃，因為不想她行來行去。
〝吉之島〞的背囊唔靚，所以我地行返出去〝千色店〞買。明天阿B要打歲半針，到時唔知阿B會點呢？
件衫好有皇帝flee呀！個水杯同背囊都ok呀！妳買比大妹個水杯爛左，不過我有新杯比佢，都ok啦！妳好番未呀？記得多D休息呀！
回覆刪除[版主回覆01/22/2008 02:09:00]我地都覺得似〝皇帝〞衫，個背囊我地放佢D野落去佢都肯孭住去街。
我仲有D咳喇！不過，痰既色差不多都轉晒透明。咁你好返未丫？你都要休息多D。