傻婆‧拍鬼片？

12 January 2008

今日肥阿哥放左工與同事去左〝唱K〞，阿嫂唔駛返工，因為老公、阿嫂、肥仔都係返5day的。阿嫂見肥阿哥唔係到就出街食飯，因為肥阿哥返到屋企就唔願出街，阿嫂話佢懶~哈~哈~！

雖然，話出街食，但唔知食乜，肥仔話〝吉野家〞，我地〝say no〞，晏晝先食完，講講下肥仔再提意去佢朋友家附近間新開既食日本野，佢朋友都話〝OK〞，但唔知執左未又唔知有冇位，因為而家好多野都係開得快執得又快，我前幾日搭車經過仲係到。

我地去到有位，不過，入到去阿B就扭計指住條街，老公就抱左佢出去行左2次都係扭，我就再抱佢出去，出到去先記得忘記放低相機叫佢地幫我影相添。我好似個帶住口罩既傻婆咁，天黑黑抱住BB企係個行人路面向大迴旋處，有時又行去另一邊巴士站，不繼於2個地方徘徊，好似拍鬼片，比我見到都會覺得個人係咪傻架~好恐怖啫！

到咁上下時間我就行返去，佢地食完，枱上餘下的就是我喇！阿嫂話肥仔出過去2次搵都搵唔到我，而家佢&娣婦一齊出左去搵我，阿嫂就打比肥仔話佢知我回來了，入到去阿B都係扭計，跟住老公就抱阿B出去等佢地。

我有好多野食都冇影相，同埋出去再回來食的野都不太知咩味道，因為要快快食完讓位比人，而且阿B要回去吃藥。

老公後來都買左碗粥食，而我就食〝炸両〞，我地差唔多走肥阿哥先回來。