醫生講好D既~

阿B今日聽到個〝橙〞字就即刻去拎，點都係唔得，後來想爬上去，阿媽有抱開過佢，不過佢又折返。

另外，今朝摸過傷處細粒左，但係睇醫生前再摸大粒左，唔知關唔關阿B午睡時自己唔小心掂到傷處呢？當時立即喊得好勁。

今朝睇到阿B個吸鼻器，唔通阿B鼻塞？之後見到娣婦話阿B今日要睇醫生，尋晚鼻塞醒訓得唔係咁好。

娣婦：我放工‧‧‧

我：咁我帶阿B去醫生到等你咪囉！

娣婦：咁好丫！但係我今晚公司食團年飯，你自己一個返得唔得？

我：得~行慢D。阿B覆診NO.幾多號？我去到可以掛號先。

娣婦比左張覆診卡我。阿媽知道阿B要睇醫生就提意佢同我帶阿B一齊去，我梗係要問下娣婦咁樣有冇問題？當然冇問題喇！問下醫生要唔要抺去瘀膏。

我地5點半去到都已經排第十二個，差不多7點見醫生，醫生預備用聽筒幫阿B聽。

醫生：咁多塵既？

我：吓！佢個身好多塵，邊到丫？

醫生：唔係‧‧‧

我：哦！係丫~佢阿嫲話要著。有時佢隻手凍，但我摸佢後頸OK‧‧‧

醫生：有D小朋友著左好多件衫隻手都係凍，但個身暖就冇問題。

原來醫生係講此〝層〞不是彼〝塵〞，今次係輕微傷風，跟住我話比醫生聽尋日發生既事，醫生摸到阿B個頭都〝嘩〞一聲。

我：我驚會影響佢睇野、發育‧‧‧。

醫生：佢冇嘔、頭暈、呆滯、唔舒服、發脾氣就冇問題。

我：咁又冇，佢整喊完一陣又去攪攪振。

我趁阿媽都係到就問埋醫生有關阿B講野、食野既問題，阿媽除左講左句歲半都未講野外就冇講，如果係我地講就會有好多野反駁我地，同一番說話出自不同既人有不同的效果。