尋日被油炸親叫左肥仔請假，所以今日休息一天。我就計劃好寫完尋日篇網誌，再寫埋網誌係之前整過而未發表過食譜，執下屋又執下老公的信件，又整下個〝Notebook〞，因為自星期六發現老公部電腦中左〝木馬〞後，我部〝Notebook〞每次一開機就行 Windows Installer，跟住就彈個Dialog Box話我個Miscrosoft Office XP Professional with Front Page有問題，雖則今天放假，但都好忙。
我寫完網誌，又舖左一篇食譜，部機慢我再重開，橫掂都係就開完機整埋個Windows Installer個問題先，之後再舖埋其他食譜，係我攪緊個問題時，見部機整緊野，我就幫老公執下信先。
唔執都冇事，執就出事，我發現係老公Manhattan月結單內有〝Insurance Premium〞這條數，仲要係上年9月已開始，好明顯係保險喇！但我都打去問下係咩嚟。果真係保險，個CS叫我留電話比佢交比保險部同事3日內回覆我老公，我立即用手提打比老公問，老公從來都冇聽過或應承這份保險，老公好忙問完就掛線，但我等不到3日，我要佢立即轉條線去保險部。
我：我問點解會收保險費？冇人通知過我老公。
女保險CS：話應該有人通知過和有信件通知。
我：肯定冇，因為老公事無大小都會同我講，佢既信全部都係我負責，我冇收過。
女保險CS：咁客人都應該有責任睇下D信，我地有60日。
我立即又用手提打比老公問：「究竟有冇聽過這些電話？」，老公話冇。我同老公講一陣會打比你記住聽電話。
我：我知我都有負任，但D客唔係24小時坐係到睇住D信丫麻？
女保險CS：你比你老公電話我同佢講。
我：我想問可唔可以退返D錢比我？
女保險CS：唔可以，因為保險公司真係保障緊你。
在以上對話內我的語氣和態度都沒有什麼，仍然很禮貌，掛線後，過左一陣老公就來電話會投訴和可以退回2個月的錢，因為60日的問題，老公問女保險CS點解保險公司會有佢資料？女保險CS話退多D錢要問一問高層和反映一下這個問題，會係3日內回覆。接著到女保險CS來電，想我fax回月結單給她方便跟進，因為會比她自己晒一份為快。
我在這次對話期間細看月結單發現上年8月月結單內有〝Credit Shield Service Fee〞與〝Insurance Premium〞的收費一樣就問係咩嚟？女保險CS話〝Credit Shield Service Fee〞近排改名為〝Insurance Premium〞。吓！唔係掛。再睇上年6月都有，但7月就冇，女保險CS解釋可能係冇簽賬，所以冇，但我老公有些繳費係用Manhattan autopay，而且7月有簽賬點會冇，佢都解釋唔到，我明天叫老公fax比你。
掛線後，我再翻看所有月結單發現原來早在2007年1月已開始有〝Credit Shield Service Fee〞這條數，但數目係幾蚊雞。這次對話我的語氣和態度比之前的差，講講下我記起〝Credit Shield Service Fee〞這個terms好耐之前已見過都有諗過打去CS問，不過，我見到〝Credit〞以為係D簽賬或禁錢的額外收費，並且邊有咁多時間等CS聽電話，所以拖拖下冇左件事。
我：我想退回所有錢？之前以為幾個月，但原來2007年1月已有，我都唔知之前仲有冇，每月幾十蚊唔係多，但日積月累就好多架喇！
女保險CS：唔得，因為保險公司~真係保障緊你，而且我地有60日架麻！
我：我想你明日回覆？
女保險CS：唔得，我同你老公講左3日內回覆，而且客人都有負責睇下月結單。
我：老公所有野都係我負責，我剛好今日有時間睇才發現，我都知客人係有責任，但最大責任係你地喎！
女保險CS：我同你老公講左3日內回覆。
我：我要明日，如果老公知道一樣都係要你明日覆。
女保險CS：但我同你老公講左3日內回覆。
我：咁好，你成日話同我老公講左3日內回覆，咁我而家打比佢，叫佢再打比你。
女保險CS：明天覆你同今日覆你既野都係一樣，我晒一份月結單都要2、3日。
我：前排先將2006年的棄掉，我點知2006年、2005年有冇收費，我唔會fax月結單比你，你自己晒一份。
最後，我要求星期六中午12點前回覆。過後老公來電問情況怎樣？我一五一十覆述一次，老公都同女保險CS講從來都冇收過保單，跟住我又唔知女保險CS係咪只晒2007年或全部，老公都同意我再打去問下。
另一個男保險CS只hold左我條線半分鐘就話佢放左工，我只不過遲左5分鐘就放工？係，佢返工時間0900-1730。我覺得佢有D欺騙我的成份，加上他的態度好似唔想做，答野又求其，無心工作的態度令我的態度都不太好。佢問我咩事？咁即係要我由頭講多次，佢幫我check到老公原來由2002年開始比錢。
男保險CS：咁有咩事呢？
我：咁即係要我由頭講多次，你地唔係會入電腦既咩？
男保險CS：你比個卡號碼我？係關於保險refund。
我：係~我簡單講左一次，我想知道佢晒份資料係由幾時至幾時，因為3日內佢覆我得2007年既，咪又要再等，浪費時間。
男保險CS：我睇到佢只是要求晒一份資料冇講幾時至幾時，可能佢係諗住再聯絡你問需要幾時至幾時。
我：原本叫佢明天覆，但佢成日都話3日內覆我老公，我又要求左佢星期六中午12點前回覆，所以佢唔會再打嚟，直到3日內回覆才聯絡，所以你既想法係錯既。
男保險CS：我冇保險牌，所以只可以幫我send e-mail比女保險CS要求由開卡到現在既資料或由幾時至幾既資料。
我：咁由開卡到而家晒一份需時多久？
男保險CS：7日。
我：咁由join這份保險到而家晒一份需時多久？
男保險CS：7日。
我：又係要7日咁耐，咁即係3日內回覆唔到我喇！
男保險CS：我都唔知佢會點做。
我：佢明天係咪返工？
男保險CS：係。
我：佢明天唔會放假架嘛？
男保險CS：佢明天返0800-1730，並且冇放假除非佢請病假。(聽到後即刻幫我查)
我：其實，〝唔好意思〞我都唔想嘈你地，我都知唔關你地事，不過，換轉你係我都一樣，我係你都會好無辜比人鬧。
男保險CS：我都明既。
這些保險CS都係Manhattan的員工，在我講〝唔好意思〞時，這個男保險CS仍然保持冷淡、麻木、敷衍的態度。我覺得男保險CS好似不在乎同僚被罵，好似做〝二五〞咁篤晒同僚的事出來，我都明瞭既他們已做到麻木就好似好多行業一樣。
沒有留言:
發佈留言