氣管發炎

今日我既病已踏入第3個星期，前晚和昨晚半夜有段時間都係半醒狀態，而且感到口喉嚨有點癢想咳，但昨晚真係忍唔住咳左幾聲，還有頭痛，並且有一邊痛得好勁。

今朝起身頭仍然痛，係床〝典〞左 一陣都唔得，我就打回家講低〝我唔舒服，今日唔上嚟！湊阿B。〞，跟住就上床再睡，到時間差唔多就去睇醫生。到老公起身返工，我問：「你唔陪我丫？」，老公：「公司有好多野做。」，我一早都知答案，但我想睇下有冇奇蹟。始終都係睡得不好~訓下醒下又望下個鐘差不多9點，我就起身梳洗預備去睇醫生。

診所內比平時少人，可能時間尚早，我等左3個人就到我喇！呢個醫生好多人睇，但又睇得好快。原來我係〝氣管發炎〞，咳啖係綠色會傳染比人，要冇晒綠色啖先至會好，你把聲會沙，我把聲今日開始有少少沙喇！唔可以食煎炒、凍野、甜野、蛋黃，最重要唔可以淋到雨，又唔可以一凍一熱，要休息多D，同埋留意身邊有冇人病，肥仔已經病緊。咁帶口罩會唔會傳染？我答唔到你，帶口罩唔係100%唔會傳染，幾會低D。

我睇完醫生後，行左去〝吉之島~10蚊店〞想買淡&濃味麵豉醬，點知行到去冇得買，唯有走人，跟住去買麵包做早餐和阿B吃，因為我應承左阿B買包比佢食，應承左小朋友一定要做。

我行出麵包舖，迎面有好多小學生放學，我一邊行一邊放回碎子落碎子銀包，我與一個小學生擦身而過，見到佢好似指住我同我講野，因為我當時聽緊歌又唔舒服，沒有停下，邊行邊諗佢講咩呢？我記得D音好似話：「你好似趺左錢丫！」，我回頭望一望好似見到個小學生都望住我，但頭先感覺到將錢放回碎子包，就算是真的都不多，所以沒有停下，其實我與他從來都冇停過腳步。我不是〝嫌錢腥〞，而係想快D回家吃包食藥和休息。

原本我話唔湊阿B，但係我要睇和錄〝肥媽私房菜〞，所以回家去。返到去一個鐘後就與娣婦&阿B落街食飯。我睇〝肥媽私房菜〞睇到釣魚，唔係肥媽悶，而係可能食左藥好攰，睇完我就上床訓，不過，訓左約1小時就醒，想再訓但碌極都訓唔到，唯有起身，頭先等老公嚟食飯頂唔住又訓左幾個字。

剛剛睇〝律政新人王~2〞見到阿甘送花比阿娜，我就同老公講：「你睇下人幾好丫~送花。」，當時老公摺緊衫就即刻用幾對襪渣埋當花送比我，但係我同老公講〝D花謝既〞，老公笑笑口講〝咩丫〞！不過，我都唔鍾意收花，我情願拎D錢買另一樣野仲好，覺得買花浪費。