暖到入心‧心型暖水袋

我既病情都好左好多，只係仲有少少咳，尋日老公都有問我〝要唔要再去睇多次？〞，我諗過多2日先，希望用自己既抵抗力去對抗病菌，真係唔得先去睇。

今日老公食完lunch就例牌來電，同我講係〝屈臣氏〞買〝撤隆適~24片裝〞送〝暖水袋〞問我買唔買？是但喇！老公最後都買左。

我從來都未用過〝暖水袋〞，這個係第一個，雖然，係贈品，但係大家有冇留意到係〝心型〞架！又係老公買既，用左佢實行〝暖到入心〞。

剛剛睇到〝事必關已〞講有關靜電問題，我都想講下，因為這個問題都令我有D怕怕。記得前排凍既時候我成日都被靜電電到，例如：人電人、車既扶手、大廈密碼案扭、門。

夜晚飯後我與老公坐小巴回家，在落車時我都被小巴的扶手電到，攪到我唔敢用扶手，都係老公接應我。仲試過按密碼回家，被個密碼案扭電到，第2晚仲勁，電到我彈起，自此後無論按密碼或開門全由老公負責，我不想再有被靜電電到既感覺，有陰影~怕。