漏水〝椒鹽賴尿蝦〞

今晚食乜餸？炸南乳雞翼、瘦肉炒西芹、漏水〝椒鹽賴尿蝦〞。

尋日我去街的時候阿媽來電‧‧‧

阿媽：回家吃飯嗎？等我仲買左斤半賴尿蝦添。

我：唔喇！你叫肥阿哥炒，佢識炒，你唔好再白灼，冇人食。

跟住再晏D到肥阿哥來電問埋與阿媽同一個問題，我就順手叫佢炒埋，但佢話佢唔食得，唯有由他決定少唔炒喇！

今日返到屋企阿媽叫食Tea時炒賴尿蝦，因為肥仔與娣婦都唔吃，但尋日老公對我說：「賴尿蝦放係雪櫃D肉會梅，所以賴尿蝦冇急凍的。」，最後Tea都係冇炒到，因為湊住阿B冇時間，所以留待做晚餐。

賴尿蝦我都冇耐冇炒喇！我分別炒左2碟有辣有唔辣任君選擇。我炒好唔辣賴尿蝦拎左出去比佢地食先，跟住炒埋辣既。

當我炒緊辣時聽到佢地話冇肉食，心諗可能係細隻所以冇肉，到我炒好出好食，原來係D肉化晒變水，得少少肉食左都唔覺。我好彩最後一隻居然全隻有肉〝完整無缺〞，不過，亦有唔好彩就係我被賴尿蝦殼勾到個嘴內，攪到好似被吸血疆屍咬咁，有2點紅色有少少血，死喇~都唔知明天會唔會變痱滋。

我知娣婦點解唔食喇！因為佢覺得賴尿蝦似〝小強〞，我望真D個樣又好幾肉酸，突然都有D驚。