阿B識稟神~@.@

近日都覺得阿B大個左好多，之前食藥時精神比較差D，但這幾日冇食藥就精靈返。

尋日我開始做每樣野都會問過佢先做，例如：食唔食飯、包包、飲唔飲水、姑姑媽去殊殊得唔得、明天買包包比你食好唔好丫‧‧‧，雖然，佢仲未識講野，但佢識點頭表示〝好〞，唔好就會冇反應，都幾得意架。

這2架車被我地綁埋一齊，因為危險，但綁埋一齊佢都照推嚟推去，又爬上架車到做危險動作，都跌過幾次，跌完又攪過，真係冇晒辦法。

阿B每次返婆婆屋企，婆婆都會教佢拜〝祖先〞，所以阿B平時係屋企自己都會走去拜〝地主公公〞，因為我屋企〝地主公公〞係擺放係屋內神櫃下層。

今日阿B晏晝2點幾訓到約4點到，然後我就去開奶，係中場休息時我就即刻去落閘，防止佢行出騎樓。

正當我落閘時，我聽到阿B係我附近〝依依~哦哦~〞，我不以為然平時都是這樣，但我見咁耐就問佢有咩事，之後擰轉望下佢係邊，原來佢企係我身旁2尺的神櫃前，一邊拜一邊〝依依~哦哦~〞，好似稟神咁樣。我都有叫阿婆睇，阿婆見到都笑。

阿B比我地發現左後，就走去睇電視，阿B拜神既手勢就好似咁樣喇！