執輸

 

13 January 2008

今日阿B返〝Playground〞最後一堂，唔夠人要轉另一日再上，所以娣婦約左我地今日一齊去〝BB開倉〞，但係唔知果到幾點開，不過，預計11點到出發。

早上10點幾娣婦來電。

娣婦：果到冇人聽電話。

我：你比個電話號碼我打去試試。張紙有冇寫幾多點？

娣婦：嗯~只係有地址、電話和寫13、14號開倉。

我：你地食左野喇？阿B有冇野？

娣婦：阿B扭計，肥仔食完早餐帶阿B回家先，我而家食緊。

我：咁丫！我打去試下，一陣再找你。

我打去幾次真係冇人聽，咁點好呢？隔左一陣肥仔來電問起身未？我梗係起左好耐，但老公就未囉！肥仔話差唔多要叫佢起身。

約大半小時後，肥仔又再度來電，佢地而家出發既然電話冇人聽去公園前順道經過開倉的地方去睇下開左未。我與老公〝拿拿林〞梳洗好就出門口，我地係途中肥仔係開倉附近打嚟問路，之後我見肥仔咁耐都唔打嚟如何？唔通掃緊貨？

我見到人出電梯都拎住好大袋衫，上到去見真係開左，仲有好多人添。佢地剛剛在入口附近睇緊，見娣婦手上拎住戰利品，而肥仔就推阿B。

阿B本來都好乖坐係車到，一見到我就想破車而出，佢扭到我肯抱佢為止。佢地話冇乜衫，娣婦話埋邊D衫好靚，但佢問過人已有人買左，我與老公抱阿B出去門口外等，阿B點我去搭電梯想走人，我就抱佢入去睇衫，我見女裝多過男裝，娣婦有D失望買得2件咁少，娣婦已留左資料下次再開倉通知佢。

肥仔仲話有D大手大手咁〝臘〞，即刻點丫？人地一家大細同款同色唔埋咩〝臘〞晒慢慢簡，簡完〝辟〞低，有人執嘛！想做死人咩！

之後我地去左公園與肥阿哥和阿嫂會合，大家與阿B玩左一陣就去食野，跟住再去肥阿哥家睇〝投名狀〞&〝魔間傳奇〞，這兩套戲都不錯。正當我地睇完戲開始收拾細遠阿B就訓醒，都唔知係咪聽到我地話走就起身，因為平時訓左，但當開飯就會彈起身。