阿B不要學~

13 January 2008

原本今日係阿B返〝Playground〞最後一堂，但肥仔病唔想散播病菌比小朋友，所以娣婦搵我陪佢，但我都有D病，唯老公補上。可是尋日晏晝學校來電由於少人唔開班要調阿B去十點幾果班，咁早梗係唔得喇！咁就要摘日補堂。正因如此，尋日娣婦約左我地今日一齊去〝BB開倉〞。

係開倉到只得2件戰利品，娣婦有少許不滿意，之後我聯絡阿嫂係公園集合。我離遠已見到肥阿哥和阿嫂係公園入口等緊喇！原本阿B都唔肯落地行，頭先肥仔放左佢落車唔肯要扭我抱，最後唔忍心就抱起佢，因為見佢喊到眼淚滴落地時，淚滴如豆，去到公園門口就肯行~阿B你真係‧‧‧，不過，我地都係玩左一陣就走左，因為有D野‧‧‧

公園內沒有人，我地係公園玩玩下有3個細路走入嚟玩，佢地十分活躍，我地見到咁都預備走。正當我與阿B係滑梯玩緊時，聽到〝砰〞一巨聲，我抬頭一望睇到公園有塊告示板在震盪，距離告示板2尺到其中一細路訓在地上碌，而雙手摸着一邊面說：「好痛丫~好痛丫~！」，我身在高處還要距離約8尺都見佢一邊面紅左，你話近睇會點呢？

而另外2個就在我身旁，比較大少少的小朋友話：「哼！我都話你唔夠我打架喇！」，原本唔知咩事既我，而家知道少少喇！

突然有個阿婆又大聲又惡話：「抵死！打死佢喇！」，但又走過去呵返個細路喎！

你話咁樣仲留係公園有幾危險呢？之後聽返肥仔講個阿婆話：「成日打細老。」，咁應該打人者係阿哥，而被打者係細老，咁仲有一個呢？

我地都以為個阿婆係〝路人甲〞，因為事發後過左好耐才有行動，其實，阿婆著既衫與佢坐既地方差唔多色，佢唔講野我都唔知佢係到。

離開公園後去左〝吉野家〞吃野，之後娣婦&肥仔買左對波鞋比阿B，不過，我和娣婦都覺得對鞋底硬左D。