我與老公〝蚊脾與牛脾〞

今日我與老公去Nike專門店買衫，真係〝蚊脾與牛脾〞。老公著衫著細碼，老婆著衫著大、加大碼；老公著鞋著正常尺碼，老婆鞋著最大。

我諗我俩在大家心目中的影像是一隻〝猴子〞、一隻〝肥豬〞不相襯，但係現實中我與老公沒有咁誇張。夜晚回到家中，老公仲要激我喎！佢著左我條新運動褲，雖然，鈕扣好仍然跌落嚟！佢含沙射影，跟住就展開左一場激戰，結果大家都不分勝負。

老公係星期日行街時在運動舖看上一件〝Nike~橙色荷蘭國家的外套〞，而我有個朋友係Nike做有拆，她怕我一張〝拆扣卡〞不夠，還幫我找多了一張，尋日老公放工後去找我的朋友取〝拆扣卡〞預備今日去專門店買。

尋日上網睇過，我想買對波鞋，因為有2對快爛了，又想買運動褲，去BBQ、行山、露營、釣魚不用著牛仔褲咁辛苦，雖想買好耐，往往肥不好看冇買。

我預備約埋佢地一齊去，碰巧肥仔來電約我地明天飲茶，因為娣婦想飲茶，咁樣我地可以飲完茶一齊去Nike睇野。不過，肥阿哥係二個星期前已買了對Nike波鞋，而且早已約了朋友去他的家BBQ，但天雨關係要今早才決定是否繼續，肥仔見此都未決定去唔去Nike，我見咁樣就唔去飲茶，還掂我一向都不喜歡飲茶和老公可以訓多D，娣婦見咁就決定帶阿B回娘家吃飯。後來肥仔又話取消飲茶，跟住老公決定去飲茶就當食埋飯再去Nike，所以飲茶繼續。

我去到酒樓就問阿嫂如何？BBQ已取消，但要留待肥阿哥決定去唔去。在席間肥仔問我點解唔鍾意去茶樓飲茶？差不多全部點心你都會吃，有D仲係你鍾意的。我都摸不著頭腦，但我真的不喜歡喝茶有苦澀味，亦都不喜歡去茶樓喝茶。

我只是影了比較特別既〝蘿蔔絲酥餅〞和〝芝麻雷沙湯圓〞，但平時既〝蘿蔔絲酥餅〞好吃D，而〝芝麻雷沙湯圓〞冇試過。

下午2點幾所有人已到齊，我問肥阿哥〝Annual Dinner〞抽到咩？肥阿哥抽到現金2000蚊，都算唔錯，肥阿哥唔去Nike，但佢想去買〝PlayStation 3〞。肥阿哥問我地去Nike買咩？老公買衫和鞋，而我就可能買鞋，之後肥阿哥從銀包比五百蚊我。

我：唔要喇！

肥阿哥：快D拎左佢，得老公一個搵錢，你又成日買野。

我：唔駛喇！

阿嫂：快D拎左佢喇！佢好少咁闊老架！

肥阿哥：咩好少咁闊老丫！我抽中2000蚊都比左1000蚊你喇！

跟住我就收左，因為不想在大庭廣眾下咁樣~好肉酸架嘛！之前都試過一次不過係佢屋企，所以成功冇要到，因為你推我讓冇咁多人見到，冇咁樣衰嘛！肥仔都冇收我地茶錢，話一百蚊比我買鞋，肥仔不與娣婦回家，所以送了娣婦去搭車後我地就各自上路。肥仔去肥阿哥家，我與老公就去Nike。

Nike專門店係尖沙咀，以前日日都係尖沙咀返工，這裡變左好多，唯一不變就是仍然咁多人。今次這間變了〝旗艦店〞有3層，男女裝各佔1.5層，店舖設計好開揚，貨物很容易被盜，他們用了一個方法就是這裡的售貨員不會比你自己拎貨上上落落，只要你決定在那一層付款就可以將貨物存放在那裡的收銀處，並且有專人幫你送到去貨物存放的收銀處，這樣可以防止被盜，不過，售貨員就好辛苦。

首先睇最底層女裝，好像找不到昨日網上看到的波鞋款，而運動褲沒試，著了一定好肥要再考慮。再往上看男女裝各半層，都沒有想要的。

最後去最後一層找到老公想要的〝荷蘭國家外套〞和波鞋，但波鞋白色已沒有他的尺碼，因為是上一季的款，最後買了同款，但今季黑色。老公外套試了細碼說好像大了點，我都話你要加細碼架喇！收銀聽到後話我地冇加細碼。我地的將貨存放係3樓的收銀處，因為小人付款快。

老公不想浪費張〝拆扣卡〞就返回最底層再看女裝，看過後我試了2款運動褲，大碼比加大碼更合穿，但外於自己肥穿得不好看，都係不要，然後再細心看多一次可能會有好看的，老公覺得售貨員穿的那條不錯，我就問其中一個售貨員：「你穿的是那一條？」，老公見頭先都係穿大碼就叫我拎大碼試已夠，但我怕不合穿又要再拎，保險D拎埋加大碼試。

我在試身室外排隊，身後有塊大鏡，所以有好多人來這裡照併，我地要閃來閃去、左行左行，但不緊要買野就係咁架喇！排我前面的被售貨員轉了上樓上的試身室，後來我都轉了上一層試身，我試了大碼，但還差1、2吋才能扣上，跟住試加大碼有鬆少少，因為這條運動褲的cutting和款是西褲、牛仔褲款。老公看過都說不錯，我問老公：「肥唔肥？」，衰老話：「肥就梗架喇！」，問親都係這個答案~激死！我地落回去要加大碼，還請幫我拎上3樓，我有其他貨在那裡。

然後，老公上回2樓睇女裝鞋，但2樓都冇女裝鞋，老公叫我出去店外轉左手邊，哦！仲有一個店仔買男、女裝鞋。我在網上看到的這裡只得一款，還看到有另一款，但老公不喜歡，不過，老公都叫我2款試晒。老公不喜歡的沒有我的尺碼，另一款試了冇問題，但沒有新的，我叫售貨員幫我check其他舖，他回來時找到一對新的，我再試沒問題，真係好彩。

我地要買的都買晒，上回3樓付款，但我的運動褲不在這裡，收銀落回最低層找找，但他搵過2層都冇，我就自己返回去再叫售貨員拎過，售貨員竟然回覆沒有貨，點解咁對我？我好不容易才找到穿得好看的，有點兒失望，但收銀員睇機仲有幾條，唯有入去再搵，答案都係冇，收銀員自己去找，終於找到喇！

我地返回去最高的收銀員話剛有人拎左條運動褲加大碼來，我地真係〝O〞晒咀。我拎catalog比肥阿哥佢地睇，但問過收銀冇catalog，不過，係女裝攞左一份比阿嫂睇。老公發現女裝本catalog旁邊有3支鉛筆架！又幾得意喎！

我地離開左Nike專門店後，就預備去肥阿哥家，但老公怕我地去到都食完飯，所以我就打比佢地，阿嫂剛買左〝福字~米粉〞、午餐肉、現成醃好雞翼做晚餐，咁我就看看買唔買到野加餸。

我地搭車到旺角再轉小巴回去，老公想去朗豪坊〝80M〞買Q版~巴士，但怕夜決定不去。經過KFC老公就提意買雞，但我見好近朗豪坊都好近，所以去就去左買巴士先再回去買〝一桶雞〞。在去搭小巴途中見到有老公喜愛的雞批，就買左6隻一齊試下。

欲知後事如何請去：PlayStation 3