今早同阿婆帶埋阿B去買餸，之後去左阿婆朋友~客氣婆婆家坐，每次客氣婆婆見到阿B都笑到見牙唔見眼~好開心。
阿B一入到屋就向廚房進發，被我攔截後又轉移目標，總之就左攪攪、右攪攪喇！閒談完坐左一陣便走。阿B約11點幾就訓左，訓醒後阿B開始好黐身。
晏晝突然記起尋日熊貓姐姐來電問我有冇〝荳蔻粉〞，佢要嚟整蛋糕，我當然有喇！仲有2支添，因為上次唔記得左又買多一支，不過，她不要一支只要少少，叫我星期日比佢，因為我地星期日會為同屋住預早慶祝生日，所以今日趁記得就裝入個盎仔到先，應承左人唔記得就唔好喇！
跟住我就同阿B講〝呢D我係要比熊貓姐姐架！〞，阿B聽後就講〝姐姐〞，雖然發音不是很正確，但聽得出係講〝姐姐〞，這次係我第二或三次，當我講〝熊貓姐姐〞後，阿B跟我講〝姐姐〞。
我地教阿B叫人，記憶中好似得〝爸爸〞有跟我地講過，但跟講次數不多，其次就到〝熊貓姐姐〞跟講〝姐姐〞，就冇喇！我好其待阿B叫我地丫！
沒有留言:
發佈留言