心灰意冷

其實，我寫Blog都係想與人分享下我生活事，但最重要係我老左後，可以係到搵返可能我會忘記左既記憶，或者有機會的話日後可以與我的仔女和孫兒女分享。但係Yahoo又一次令我失望。

我頭先去完街上網見到個Blog回應冇左都知Yahoo又出事，當我打網誌時儲存時，它不斷咁run，我就禁esc都唔得，唯有係toolsbar禁Blog，再入去睇返之前打既野都係到，我就大安旨意喇！咁就出事。

我打完大一篇網誌已儲存好，之後再入去加slide，〝唔加由自可，一加就把幾火〞，成篇野連slide都冇左。今次真係冇心機再打過，你知我時間都唔多又要再打過，真係唔多想，攪到我仲有一篇要打都唔寫喇！

如果我問〝小編輯〞又係冇了期的等，到我打過一篇佢都未解答到，之前果D到而家都未覆我，我都已經自己打過晒。

天~點解咁架？我以前玩on-line game做維護時就唔比人入，到維護完才可進入。點解唔可以學on-line game咁呢？

還掂我都有D不適，時間又唔夠用，攪到我冇乜心情，留待我心情回復先再寫Blog，我個人比較情緒化，可能明天就寫返又可能會耐D。