尋日都講過老公工作煩忙，我冇寫錯字，因為佢公司D野好煩和工作量好多，我諗佢而家連少少時候都冇，應該都冇睇我個Blog。
上星期和今個星期六、日都要返工，不過，上星期日要陪我電髮和佢自己又要剪，咪冇返工。今個星期日都要返，不過要去飲又唔返，所以就會聽到〝哦~哦~〞聲勒！
尋日5點幾我想打電話比老公同佢講好想佢〝攬下我〞，我間中就會有這種感覺架喇！亦都會同老公講，老公都會識做既，個感覺好〝Sweet、Warm〞，但係佢咁多野做打比佢又煩住佢，內心爭扎左一陣決定都係唔打，咁橋老公打嚟！聽佢勞嘈左幾句又要掛線，我叫住老公想講，老公話〝四字人〞(日本人)行緊過嚟要掛線，之後都冇同老公提過呢件事，當時我有唔開心架！不過，好快冇事喇！做野緊要嘛！唔係點養個大食老婆喎！
我與老公暫搬回家今日係最早起身，可能平時夜訓，而且我與阿B一齊訓，佢每晚約2點就開始每隔一小時就嗌或喊一次，有時不只一次，但佢訓晏覺又冇事架喎！我與娣婦都懷疑佢作病，所以我個人成日都好攰，再加上天氣唔好、週期性不適和睡眠不足攪到D骨劇痛。
今日7點就起身，係老公返工前我主動〝Hug〞佢，佢當然又〝Hug〞返我喇！之後我就送佢出門口，雖然，我冇機會同老公講，但我都可以完成Target。
老公lunch後又來電，傾左幾句到我想講返〝Hug〞事件時又要掛線，因為有事要做，真係激死我，不過，我寫完呢篇之後心情靚番晒，因為有個地方比我發洩出嚟！
頭先約5點老公有事外出一陣，所以來電講左2句，又正當我想講時又要掛線，因為佢同事有事搵佢，哎呀！不過唔緊要喇！反正又唔係大件事，只不過小事一樁，唔講都冇所謂喇！嘻~嘻~以我既性格又點會唔講呢！有機會先再講喇！哈~哈~
沒有留言:
發佈留言