瓦煲焗~牛肉飯 (BB版) (內附食譜)

我屋企個電飯煲好大可以煮十幾人飯，所以我就用瓦煲仔煲勒！同埋人人都話用瓦煲煮野好食D架嘛！

煲既時候已經聞到好香既牛肉味，頭先我都吃左一啖味道就好似〝吉野家~牛肉飯〞差不多的香(賣花讚花香)。雖然，D飯仲濕濕地，但就真係好似〝一田~BB餐廳〞內的套餐既飯又係濕濕地咁既樣架！但夜晚果餐食就會冇晒水份比D飯吸晒。

煲既時候要留心，因為好易黏底，我煲左2次都黏底，不過，煲仔飯冇飯焦就唔好食架喇！

瓦煲焗~牛肉飯 (BB版)

材料：

牛肉

米                    80刻度

水                    400刻度

鹽                    少許

牛肉醃料：

糖                    適量

老抽                適量

生粉                少許

油                    少許

做法：

1.          牛肉洗淨用醃料稍醃一陣。

2.          米洗淨倒入瓦煲內加水和牛肉。

3.          蓋上煲蓋煲用中火，滾後加入鹽，全程只需時約22分鐘。

4.          熄火後約焗7分鐘，即可。

*中途要打開幾次蓋睇睇，怕會黏底太勁。