開心大出血

上年專誠買左條又貴又靚裙仔去朋友婚宴，今個月尾有婚宴諗住著，可惜係近排肥左全條裙唯獨是一個地方爆鈕，所以唔著得，於是我相約左熊貓姐姐明天陪我去行街買衫，但今日開心果姐姐想行街就電聯熊貓姐姐，咁熊貓姐姐就電聯我勒！好在熊貓姐姐早一步咋！唔係我就去左肥阿哥家玩，而家就肥仔一家過去。

我有D胃痛，所以大家一齊吃左少少野，熊貓姐姐問開心果姐姐想買咩？開心果姐姐唔知，只係想行街。我地行左2間已經想買衫、想行街、陪人既都買到野。

起初都係得我與熊貓姐姐每人買左一件衫，我果件買有S、M碼，但我想試M碼無晒未入貨，所以試左S碼，唉！又〝arm〞喎~仲好鬆添！我已買到飲衫喇！熊貓姐姐就〝十五十六〞唔知著呢件定尋日新買果件？雖然，呢間D衫貴，但係日本貨和買到想買都值既！我地係〝C奶〞仔又咁貴緊係有講價喇！

之後我就帶左佢地去我上次〝添新裝@春季2008〞果間睇衫，而個售貨員又老實，你一問佢就知件衫自己合唔合穿~唔駛度。我地係呢2間boutique擾攘左好耐，但最耐又最開心都係最尾果間，所以我地每人都買左件衫，而開心果姐姐買左2件。

今日收鑊每人有2件衫，我地行完老公剛好放工。開心果姐姐一見到老公就話佢瘦左，然後，我話自己越來越肥。其實，之前老公都同我講過覺唔覺佢瘦左，我唔多覺佢自己覺，仲問我佢會唔會有暗病呢？我都係話自己越來越肥，但叫老公去check實唔去架喎！有時間同佢傾下先。

大家都唔知吃咩？最後去剧扒。

熊貓姐姐未有湯，老公讓佢先，佢話唔要個碗崩既！仲叫我影低隻崩碗添！哈~哈~

熱辣辣多士~好味！牛油個公仔好得意丫！

老公唔鍾意鐵板，所以我地全部都改晒碟上。我與熊貓姐姐都係吃〝T骨扒餐〞

老公吃〝大蝦牛柳餐〞，幾乎每次都係吃呢個，咁又係個隻蝦真係幾好食架！

開心果姐姐〝雞扒餐〞，佢諗住剛做完手術唔好食得咁Heavy，點知份餐有2大塊雞扒架！所以比左一塊老公吃。

仲有甜品〝雪糕〞，不過，今次唔係〝番薯味〞，而係普通既〝雲呢拿味〞，但都已經好滿足喇！開心果姐姐話你再滿足既話，件衫就會爆勒喎！mm‧‧‧mm‧‧‧！

之前肥仔與娣婦抽到居屋等簡樓，終於等到今日喇！所以佢地齊齊請假睇樓，但尋日睇過佢地理想既地方得返3間。今日11點要去到〝樂富〞， 一早齊齊落街吃完早餐，跟住佢地就起程，而我與阿B就送佢地上車，但中午12點、1點就回來，因為想要的單位冇晒！我諗佢地都好失望。