高風期

今日出街搭車時老公同我講左D阿B尋日既攪笑野，點解我唔知？因為我係廚房嘛！話說尋日我係廚房煮緊餸，約7點半肥仔一家三口與肥阿哥、阿嫂回來，
阿B手拎一支花唔肯比人，佢自己玩玩下坐低左，然後阿嫂話〝中國~加油~〞，
阿B即刻企起身，再舉起支花，又一次証明阿B係一個〝愛國份子〞。

頭先娣婦來電叫我明天開多幾餐奶比阿B吃，因為今日開左6餐奶。
每餐6安，而頭5餐都吃晒！我緊係問有冇吃其他野？食得多唔多？
早上吃左一小碗通粉，晏晝又有吃少少炒飯和粥。

阿B早上8點幾食晒餐奶，然後十點幾又要食，
但娣婦形容得好攪笑話阿B〝喊苦喊拂〞。有時佢想飲野就問佢要唔要食奶？
佢又點頭，所以就食左咁多餐奶勒！

娣婦話阿B可能〝高風期〞，因為醫生講過小朋友每隔一段時間都會有〝高風期〞，
係會食好多野。若果阿B既〝高風期〞可以延續就好喇！