無餸不歡

阿B一向都食好多餸，唔係食好多飯，佢係〝無餸不歡〞。

夜晚煲左〝節瓜湯〞，我屋企湯渣都會當一樣餸，阿B一見到就起勢食，
原本成碟瓜，你睇下碟瓜得返幾多，反而飯就食好少。

朝早我食提子包，阿B見到例牌又要食，佢食左一啖就成個頭〝烘〞埋塊包到，
原來佢係想食包中間既提子。

今日我又整左〝瓦煲焗~牛肉飯〞比阿B食，佢見到開飯就扭要食，
牛肉飯差少少先收晒水，都要比佢食，攪到D飯濕濕地，
不過，佢見到D餸就食餸多過飯，嘥晒我D心機。