龍精虎猛

阿B一出院就〝龍精虎猛〞一D都睇唔出剛大病出院，又走又跳不知幾開心。
我發覺佢比之前更大個和精靈左，自己又肯行，可能被困醫院唔落得地，
而家知〝自由可貴〞。

橙白色橫間就係Benz哥哥勒！起初Benz哥哥玩槍game後來轉左玩賽車，
阿B就拎住個手制左轉右轉好似揸車咁！個手制緊係唔係PS3喇！

阿B又玩車，你好鍾意車咩？

玩下呢樣玩下果樣，我又抱佢係梳化一齊睇下打機都唔訓，
最後抱佢坐係地下睇，一陣就訓左勒！

娣婦放工振鐘弄醒左阿B，不過佢都係差唔多醒架勒！醒左立即走去餐檯拎麵包食。

我係屋企拎左D瘦肉過去肥阿哥家剁碎煲粥比阿B食，
佢一食完就走去梳化到睇電視，仲將2隻腳攝入咕O臣中間，好似人地耕田咁！

7點幾食完粥，但吃得唔多，娣娣係我地外賣來之前煮烏冬比阿B食，
煮好烏冬外賣又剛剛到真係時間剛剛好。

阿B趁我地食緊野，冇人為意就拎左個PS3手制玩，
後尾肥阿哥比另一個佢玩左一陣就鬆人。

呼拉圈係我既，成日都想拎回老公家玩，星期一執左出嚟！
但有突發事今日先拎到。阿B見到不知幾開心，伯伯拎都要搶返丫！