茄汁牛腩飯@小巴黎

尋晚半夜訓醒都有D咳，所以今日都係去睇醫生。十點幾老公起身去〝殊殊〞，我就問佢係咪陪我去睇多次醫生？今日熊貓姐姐長週，所以老公就約佢食lunch勒！

我係診所門口見到張紙寫住〝今日醫生有事，冇醫生睇〞，吓！唔係掛，咁大鑊，但我地都入左去問清楚姑娘，老公就問我點，唯有睇返以前睇開果個囉！

我等一個人就到我勒！醫生話我〝傷風、感冒、喉嚨發炎〞，仲拎埋圖片解釋比我知，還要我飲多D水先可以將身體既毒排出，老公最鍾意聽到呢句，死佬就立即向醫生告我一狀勒！

醫生話病毒~病毒~而家病毒好毒，人靠便便~每人頂多一日一次、口水~唔可以成日都吐口水架嘛！、出汗~都可以不過呢個天氣好難，所以飲水係最好隨殊殊排出，醫生要我食左一次藥先可以離開。

老公覺得呢個醫生好過前日果個，佢覺得前日果個〝口水多過茶〞，但係佢5分鐘唔駛就睇完一個喎！仲要排晒長籠添！呢個就詳細好多就真既。嘩！睇完都係11點幾，熊貓姐姐食1點，咁行多一陣先。

今日去左〝小巴黎〞食，我與老公搵定位先，坐低無耐老公就話叫定食住等，咁早食完熊貓姐姐都未嚟喇！諗諗下唔係喎！老公食得好慢架喎！都係你自己叫先，我一陣先。

老公oreder〝香茅豬扒飯〞，但係都唔似平時係街果D既！老公話感覺似〝蔥油撈飯〞，塊豬扒好似浸熟咁，我試過豬扒冇咩特別。

我一點鐘order〝茄汁牛腩飯〞，其實，已考慮左好耐叫唔叫好？見到老公個飯咁樣都想〝縮沙〞，但又想試下新野喎！好在唔係難食又唔係好食咁喇！不過，佢地聽到個名時個樣都怪怪的，所以叫佢地試都唔肯試。

熊貓姐姐order〝牛肉河粉〞，我都冇問好唔好食，因為佢應該間中lunch都會食下，不過，佢叫我一定要影埋碟配料，因為佢話好好味架！

食lunch前我話吃完一陣去〝吉之島~十蚊店〞買file，但老公唔多想去，咁我就話〝搵日我自己帶阿B去買喇！〞，佢聽左後當真，食完真係打道回府，佢話〝你自己話帶阿B去買既！〞，激死我喇！我講晦氣話你都唔識聽，後尾都去，並且有收穫添！

我見到〝Blog友仔~Podolly〞介紹個〝木模〞有得買可以當〝蜂蜜蛋糕〞既木模用架！不過，老公話會發霉，所以打消這個念頭。

老公話我要食藥返到去左買隻〝熱狗〞，唔吃青瓜已給我棄掉，出到門口老公話想食〝老婆餅〞，於是就一人一個勒！見到〝老婆餅〞就想整〝合桃酥〞，因為〝合桃酥〞簡單方便D。若果一陣唔懶惰既話就整〝合桃酥〞喇！

睇完醫生時街派〝抗流感行動包〞，入面有一對手套、2個口罩、三包消毒紙巾。本應得2包，街有好多人派，我地行過派到去老公面前佢隻手都冇離開過，老公又傻下傻下拎埋，所以就有4包。

似唔似變態佬丫！今朝老公都話〝厠所〞手洗盆條喉塞塞地，所以返到嚟對手套就立即有用喇！但老公整到有D滾滾地，我都唔敢打擾佢。