帶病上陣

今日肚餓想食野，但又唔多想食野，呢樣唔想食、果樣又唔想食，我已經連續幾日口淡淡，所以晚餐我食得最慢，佢地都覺得其怪。

尋晚已決定今日起身去睇醫生喇！因為咳多左、聲又沙左，隻耳又塞塞地，但醫生休半日息，所以今日一早就去睇醫生。

約十點到達診，嘩！診所內堆滿人，好在醫生好快就睇完一個，得等左半個鐘唔駛就睇得。醫生話我鼻發炎，所以影響到喉嚨和耳仔，並且會傳染人，但傳染性低，不可以吃蝦、蟹和蛋黃，轉天氣一定要著多件衫，藥要飽肚食。

我好肚餓睇完醫生就去食粥，我和老公都吃〝艇仔粥〞，豬皮有好多豬毛，食幾食就出晒水。碗粥就係削D，但〝架兩〞好好味。

今日約左1點與纖瘦姐姐、愛魚人士、愛心姐姐、電腦奇俠、大食仔與大食媽飲茶，跟住就去愛心姐姐、電腦奇俠家耍樂，但大食仔與大食媽唔飲茶要遲D嚟！

雖然約左1點，但睇完醫生食埋早餐，入到嚟只係12點，所以去左商場行就買左〝Mr. Bean Bear〞，睇下佢都被呢副〝曼聯水晶麻雀〞吸引而來。

愛心姐姐的窗枱上擺放左好多盆栽。

咁多係咩葉？咪係紫羅蘭葉囉！個盒係愛心姐姐親手整架！

〝火百合〞係購自〝惠康〞。

左邊盆係〝紫羅蘭〞，但我未見過D花開得咁高，而右邊盆係〝兔仔花〞開花巴時候D花會各下垂，好似兔仔耳咁，比〝火百合〞還要垂得低。

窗枱除盆栽外，仲有得意擺設。

書房內仲有好多擺設，我仲見到有3隻高達模型，愛心姐姐都有份砌架！

左邊係放係大門口的擺設，後來我係書房有個金色足球，原來係紙巾筒嚟架！

電腦奇俠係〝加菲〞到做，所以愛心姐姐都比左D〝加菲〞既野我丫！

我打麻雀，而老公就係梳化訓覺。我打左約6圈有D似發夢又走雞、叫糊又數錯牌叫死糊，咁樣就叫老公起，我要抖抖，之後到我睡一睡，睡醒有D餓就話落街買野食，但老公自動請纓去，因為佢想去抽煙(屋內不准吸煙)，之後再交由老公繼續，我吃完再去睡。

打麻雀時纖瘦姐姐話有秘密要講，但埋左關子好耐，後尾都係由愛心姐姐親自宣佈明年〝愛心姐姐與電腦奇俠〞結婚~恭喜~恭喜~！

耍樂最後一鋪電腦奇俠食左一鋪〝小四喜〞，後來食完飯等車時睇番D相，我記得N年前新年睇過〝ATV〞講計番數，若果你係碰〝arm風arm位〞就唔駛一定碰晒〝東、南、西、北〞，總之碰其中三要包括果圈〝風〞和你自己個〝位〞都係叫〝大四喜〞。之前愛心姐姐都吃左一鋪〝十三么〞，2次我都冇份比錢。

唔知係咪食左D藥，我有D肚餓，所以8點幾就去食晚餐。我地去食上海野，因為今次比平時早要等位，不過都好快有位。

呢個就係〝大食仔〞，佢仲重過老公和纖瘦姐姐，而家9歲4年班已有110磅，不過佢算高~全班第2高，佢既高度應該到我肩架喇！

纖瘦姐姐話大食仔肥左，而我又肥左叫我地一齊影一張相，我緊係唔制喇！我肥得咁肉酸，都冇大食仔咁可愛。今日大食仔唔知點解好乖，又唔多出聲，我問佢咩事？佢話好攰。