想喊的樣子@母親節2008

今日肥仔與娣婦帶阿B過左肥阿哥家玩，佢地一齊回來時我係廚房煮緊餸，
聽到佢地不斷叫阿B比阿嫲，阿B唔肯比，我就行出去睇下，
見佢一直向騎樓行，我伸出手就問佢〝係咪送比我架？〞，阿B真係比左我喎！
我緊係比返阿B喇！佢拎住係地下猛掃，最後阿B都親手比左阿嫲。

晚飯開餐喇！阿B要為母親節助慶表演〝打鼓〞。

誰不知佢得意忘形唔小心將筷子跌左落地，
於是我與肥阿哥就一齊〝哦~~~~~~〞，會有咩效果睇下以下幾張相就知！

最後都係冇喊到，因為佢見到有飯食，呢個〝為食精〞一見到有野食就想搶喇！

睇下佢食到幾得戚，我覺得呢個樣好似〝史迪仔〞D牙又係〝尖不碌〞。