炎熱天氣@沙田

4 May 2008

尋晚半夜老公覺得熱郁嚟郁去弄醒左我2次，我又唔覺太熱至少我都訓到，叫佢開冷氣又唔開，佢問我〝你好熱丫？〞(想擺我上枱)，我唔熱係你熱咋！最後2點幾佢死死氣走去開冷氣，一開佢就好快就訓左，而我〝典〞左好耐先訓返~氣死！

今朝6點幾半醒狀態聽到唔知邊到鑽野，唔埋再訓，跟住7點幾醒一醒起身幫老公電話充電，然後諗住開住電腦諗下載D野，跟住走去訓喇！點知老公部機比我之前下載既野就塞爆，唯有將之前下載既野燒碟，但肥阿哥幫老公換左個DVD Rom唔係成日讀到碟，攪到9點幾先燒到第一隻，都唔駛訓，人都醒晒勒！跟住又跳下健康操勒！

今日天氣炎熱，我、老公與高達叔叔要陪熊貓姐姐去〝沙田~寶福山〞拜祭先人，而開心果姐姐就等我地一切辦妥稍後才出現，因為佢剛完成晒3個手術約一星期，唔可以去街太耐又唔可以去人多既地方，怕撞到個傷口。

我地等候熊貓姐姐時，老公見到熊貓姐姐個朋友，見到她的老公推住BB車，並且她好像大肚，所以熊貓姐姐到來時就告知，熊貓姐姐立即與朋友通電，她一家現身處〝Ikea〞食lunch，並邀請過去睇BB，但我地要食完lunch先。

今餐熊貓姐姐請，我地是但簡左間茶餐廳吃，吃左一餐不太好吃的午餐就去〝Ikea〞，見到BB訓係近門口的〝梳化〞上玩，BB已十個月大。

由於我唔舒服保持距離與BB玩，後來忍不住手，所以戴上口罩，起初BB見我戴時皺眉，到我抱起佢與我既身貼著，約一分鐘佢就要爬走，繼而扁咀喊，因為去醫院打針姑娘全都戴住口罩，佢以為我係姑娘要幫佢打針，所以唔鍾意。

BB媽媽話若果男性抱佢都會一樣咁喊，等BB平伏後來個實驗，高達叔叔抱佢，真係喊架！仲好多眼淚添！我地擾攘左一輪就向〝寶福山〞進發，又要與好威猛的〝太陽伯伯〞見面喇！

〝寶福山〞門口買齊必須品，我地坐纜車上山，走既時候就行樓梯，經此一役後唔出汗既都出晒汗勒！試問我就緊係變成水人喇！

我地又行返去〝Ikea〞，講明大家行住等，等既時候就食個〝熱狗餐〞吃藥，估唔到開心果姐姐已入左去行緊，唯有出返嚟搵我地，等我地吃完就再入去行，期間聯絡過CoolMan叔叔和同屋住，同屋住要返工收好夜，而CoolMan叔叔一家釣魚中，不過今晚就會join我地吃飯。

高達叔叔要買衫行完〝Ikea〞就去睇衫，高達叔叔和開心果姐姐都有收穫，我都睇中左條款式普通既裙，心思思想買可惜貴，我見個款簡單諗住叫老公陪我去買布自己做，但老公問買布幾錢？寧願叫我再去睇另一間睇，段估自己做實平D，不過係要用時間啫！

行過幾間都冇合心意，熊貓姐姐亦都有收穫，而我前排爛左2對鞋，今日都買返一對喇！CoolMan叔叔一家都回來喇！佢打點好一切，而家去酒樓搵位先，而我地都停止shopping起程與他們會合。

我地叫左〝片皮鴨〞一味兩食，不過，開心果姐姐有得冇得食，但佢都有吃包片皮鴨既粉片。

另外，再叫左6個餸，但沒什麼特別不是太好吃，但佢地對火鍋興趣大D，個湯底好香。

食完飯Cool Man叔叔一家邀請我地去佢地家坐坐，上到去我地玩Wii，大人和小朋友玩得開心又睇得開心，玩到全身都濕晒，而老公就幫佢地睇下電腦，雖然，我有打機，但都有幫手整架！我地梗係整D又簡單又基本既野喇！再深D都唔識，老公都話若果你部機瓜左我地都唔識整架！

這支Hand Cream係至Fit姐姐送的，因她有個客送左〝千二蚊〞coupon比佢，佢自己買野之餘，都簡左3支Hand Cream比我、熊貓姐姐和開心果姐姐，支Hand Cream個盒側邊有一點點凸點高達叔叔話係盲人凸字喎！唔知係咪貴在呢到呢？咁細支得我2/3手掌要140蚊都好貴吓！我自己就唔捨得買。