回家

今日之後我與老公要搬回家一段日子，因為家中有些事，所以我諗有排都無焗爐用，暫時都唔會〝阿茂整餅〞。

我忙完阿B既病，跟住又忙搬屋既事，雖然，係執D基本用品，但都幾多下，所以都好煩。

同屋住〝家有喜事〞要派炸彈，所以今日大家相約去他家耍樂，順道拎炸彈，但係高達叔叔要返工，而我與老公前排輸得〝甘〞又要去飲加上要執野，所以只是吃晚飯。雖然沒有我地，但有熊貓姐姐、至Fit姐姐、開心果姐姐、同屋住都夠開一檯。

晏晝老公提意吃晚飯約左CoolMan叔叔，所以今晚食飯有好多人。我有D肚餓，所以係同屋住樓下商場買包和飲品，士多內有隻貓條尾好短，熊貓姐姐話可能係夾斷左。

貓貓係到抓癢。

影影下佢跳左落地。

一睇就知我地又係去返上次果間食小菜喇！

今次又係有叫〝一味兩食~片皮鴨〞，不過就貴左十蚊。大人連小朋友有14個人，所以每人平均食得一件，不過我吃左2件，哈~哈~！

睇下最後果張相用閃光燈影既清楚幾多。

頭先佢地都話我肥左，之前問過熊貓姐姐都話冇，終於今日都覺。至Fit姐姐仲話我肥過開心果姐姐，開心果姐姐做完手術後的確係瘦左，至Fit姐姐話佢咁講都係想激勵我啫！不過，我從不介意人地話我肥，我肥得又唔係唔健康和誇張，肥即係我個人開心、老公又養得我好啫！但我都想回返去以前與老公相識既身形和磅數，最想係老公。目前就想係去飲前減肥成功，但係時間無多。