6 May 2008
頭先搭的士時，我話尋日姑娘話阿B著得多衫，阿媽話唔多，你又唔係見到姑娘，你見到姑娘會唔會咁同佢講丫？佢話會，我話會咁人地唔醫阿B囉！跟住阿媽話阿姨都話發燒要冚被焗一身汗，但醫生話咁樣係唔得呢！
我話阿媽人地應同你企你果邊就係〝arm〞，人地唔係企你果邊就係錯既，你話我唔接受你意見，係自己咪又係咁！其實，我係選擇性聽，而阿媽就係覺得自己果套係正確，一定要聽佢講。頭先係醫院佢叫我問婆婆，佢以為婆婆見解同佢一樣，到唔係佢要既答案時又反駁人地喎！以下就係例証：
唔記得同阿媽講開咩，我話阿B著得多衫，佢話唔多仲叫我問下同房阿婆，阿婆話唔識好耐冇湊BB唔記得，我話而家仲著長袖，阿婆聽到就話咁既天氣唔駛著長袖，阿媽話你唔知架喇！阿B比一般小朋友弱，跟住人地都冇出聲，我話唔比佢自己去與天氣對抗身體咁係咁喇！
7點幾阿婆走左，我地匯報比阿嬸阿B食得一茶樓碗仔粥時，媽媽聽到阿B食得咁少，阿媽就話係佢平時都係食得一茶樓碗仔野，我話平時有時食到半碗飯架！咁佢地食野又比佢食呢？媽媽聽後就話咁樣梗係唔食飯喇！又話阿B食得雜，會唔會係食滯左呢？我做口語和手勢話阿媽話唔會，然後阿媽真係話唔會，仲係到反駁人地添！
所以平時叫我點樣好呢？所以有時咪會因呢D問題而嘈囉！又話我針對佢地，又話我衰，又話乜都係我攪出嚟！而家唯有忍到就唔出聲囉！
人地話做人家嫂什艱難，我話做我仲難吖！
呢個問題都好難解決, 其實你話俾你媽媽聽, 跟哂佢o既意思做, 但係阿B O既身體都係變得咁差, 咁即係代表佢呢一套係唔WORK. 點解唔俾你試下你果套呢??
回覆刪除平時唔好俾零食阿B食, 就算係食, 都俾 D生果佢食， 好似蘋果， 因為蘋果正氣， 對身體好． 盡量Ｏ係身三餐前果個幾鐘前唔好俾Ｏ野佢食， 等佢正餐Ｏ既時候覺得肚餓， 到時食返多Ｄ正餐食Ｏ既Ｏ野， 好似飯呀， 魚呀， 肉呀， 其實你唔介意Ｏ既話， 我真係好建議你煲 Ｄ 鮮奶魚湯俾佢飲， 因為真係可以令到阿Ｂ更容易吸收， 吸引得好， 自然身體都好Ｄ． 一個星期都係飲兩次， 對身體好Ｏ既， 我諗你阿媽應該唔會反對啩???
阿Ｂ咁細個， 依家不停咁成長緊， 應該俾多 Ｄ有益Ｏ既Ｏ野佢食， 打好個底， 得個身體好Ｄ， 發育都好Ｄ．
希望你阿媽可以開通Ｄ， 大家都係為阿Ｂ好， 點解唔俾你試下你果套呢???
[版主回覆05/10/2008 10:34:00]因為佢都係咁湊大我地3個，佢見咁樣都冇問題咪以為自己果套現家仲work囉！我都話佢唔〝與時並進〞，街邊阿婆都〝與時並進〞喇！我唔介意煲魚湯，最緊要佢肯飲，唔係太腥我接受到既！我真係都唔知講咩好！家有〝四大長老〞真係好難應付，而家攪到我做晒衰人囉！哎‧‧‧