肉醬意粉@香草番茄醬 (內附食譜)

之前係工展會買左支〝李錦記~香草番茄醬〞一直都冇機會用，今日去肥阿哥家就用嚟煮〝肉醬意粉〞，因為肥阿哥成日都話冇新意，可惜今日佢有約得阿嫂陪我地吃。

〝李錦記~香草番茄醬〞味道好外國feel，香草和番茄味好重，其他味道就好淡，所以雖然樽上寫唧上意粉即食，但我都有加其他味煮個汁。

食既時候都有加〝李錦記~香草番茄醬〞，不過，香草味太重老公食食下就比埋我，跟坐夾過另一碗。

肉醬意粉

材料：

意粉                                   隨意

牛肉 (剁碎)                       適量

豬肉 (剁碎)                       適量

番茄醬                               適量

香草番茄醬(李錦記)         適量

鹽                                       少許

糖                                       少許

水                                       少許

洋蔥 (剁碎)                       少許

蒜頭 (剁碎)                       少許

做法：

1.          煲滾水下意粉烚9分鐘。(留意包裝袋上註明烹調時間再加1-2分鐘)

2.          將牛肉、豬肉洗淨、剁碎、醃一陣。

3.          爆香洋蔥、蒜頭，加入豬肉炒至8成熟。

4.          再加入牛肉炒至8成熟盛起，備用。

5.          爆香蒜頭下意粉兜炒一陣，即可上碟。

6.          鑊內加少少水下番茄醬、香草番茄醬、鹽、糖試味。

7.          然後加入牛肉和豬肉炒勻，舖在意粉上即可。