豪一次@荃新天地

今日我電左個髮老公話我個髮型好似卡通片公仔，而佢就沒什特別照舊。
髮型師話我今日個樣唔多掂，堂眉咁淺色，面青唇白，今日見到我被我嚇親。
我平時都係咁樣冇晝眉、塗口紅、化妝架喇！但佢總係話我今日唔得喇！

返到屋企諗下可能呢幾日晚晚同阿B訓，佢一到半夜2點幾就每一個鐘嗌一次或喊，有時唔止一次，朝早8點就起身，所以可能咁樣個樣殘D，
因為我唔夠訓面色會黑灰色架！

肥仔一家去左〝荃灣廣場〞行街等我地，
我地攪掂老公要去〝荃灣廣場〞附近食茶餐。

我選擇由〝荃新天地〞行天橋與佢地會合，因為我覺得怏過行地面，
再加上我地未去過，入到去估唔到裡面係咁樣架！

人不多一陣可以帶阿B嚟跑下。

娣婦頭先lunch未落格，所以唔吃。肥仔食左個好多沙律醬既漢堡包薯條餐，
老公與我一樣，不過佢唔想食薯條，所以改左沙律。

食完野就帶阿B去〝荃新天地〞，阿B真係四處跑、跑不停。
經過間麵包舖我就買左個包比阿B，而肥仔就食左杯雪糕，
我認得這隻牌子係〝意大利〞，而且係低脂，所以不論麵包或雪都幾貴，
不過，依然有好多人幫襯。

老公睇完D包後叫我整多D中間有桃果款麵包仲好，
果隻包我有整過〝士多啤梨〞和〝菠蘿〞，你好鍾意食呢款包咩？鍾意食佢個包，
因為甜。佢咁講我緊會整既，不過要遲D先，而家暫時冇焗爐用，
不過，夏天整呢款包有D麻煩和難度，只要你喜歡幾麻煩和難度我都會整既！

晚餐要諗食乜？最頭痛，我地行左去美食廣場睇！美食廣場旁有動物係到架！

頭先見到呢間野廚窗個Display好靚，所以就落去影下相和睇下。呢間隻都幾貴，
平均每款都要六、七十蚊，而且份量不多。肥仔就想食，但我覺得貴又唔低食，
所以再去睇下有冇其他選擇。

大家都有考慮過吃〝Mos Burger〞上次我與老公吃過好味，但份量實唔夠肥仔吃。
行到我腳痛都簡唔到，跟住唔知肥仔定娣婦話〝吃得豪D、豪一次〞喇！
最後都係去呢間〝和樂日式意粉屋~PASTA de WARAKU
(Japanese Casual Pasta & Cafe Restaurant)〞。
門口有張coupon，coupon內的食品有半價。店內的餐牌和擺設。

我地覺得味道麻麻，份量與〝和民〞差不多，兩間都係又貴又唔飽，
我情願吃〝和民〞起碼好味D。尤其是〝豪華燉汁漢堡扒〞塊扒既肉質好散，
娣婦話都冇〝宜傢〞果D〝肉丸〞咁好食，老公話係丫！仲肉丸仲平過佢添！
大家都話呢間〝無下次〞。

老公飲水，我order〝可爾必思冰淇淋〞係乳酸飲品、
肥仔order〝冰拿鐵〞即係咖啡、娣婦order〝檸檬梳打〞。結賬加埋一要4百幾蚊，
娣婦仲唔收我地錢，今餐貴夾唔飽又唔好味由娣婦請客。

之後我地去左〝Mos Burger〞買包包吃，頭先娣婦請客，今餐平平地由老公請客，
不過肥仔唔吃，唔知係咪怕肥返呢？因為佢上阿B入完院，
佢又腸胃炎冇晒胃口幾日瘦左10磅。
娣婦都話個包好好味丫！大家都塊漢堡好食過頭先果間好多，
老公仲叫我整〝漢堡包〞比佢食，你叫到我永冇〝Say No〞既！