25 May 2008
今日要去〝利舞台〞飲，在去飲前去左肥阿哥家玩來打發時間，因為老公上半日要返工。天氣又熱又焗，去飲就少不免要化妝，個妝未出街都已經溶溶地喇！
我地約左熊貓姐姐、至Fit姐姐、開心果姐姐和高達叔叔係Times Square等，老公去到Times Square就收到〝3G〞信息有免費電話送，因為係3G電話，所以要用貴D既plan，咁當然要簽約喇！嘩~係〝3〞都攪左好耐，終於與老公出左部〝情侶電話〞，但其實我地都唔會用，不過，唔駛錢出定先有咩事都有得用，仲有而家出電話送多二百蚊〝百佳〞禮卷。
熊貓姐姐與同屋住通電，佢係酒樓附近，然後我地就約埋一齊上酒樓勒！我地呢班爛賭鬼緊係〝打馬吊〞喇！未打前去W.C.先，去既途中我的手錶與其中一個在場人士手上的名貴手飾碰上，結果我戴第2次既錶的錶面與錶身就印有傷痕，近排係咪不宜戴錶呢？不過，都唔係打左好耐，因為約8點就收晒檯喇！
我與同屋住大女坐，佢杯汽水有飲管，而我杯就冇既，佢用飲管攪D汽水，我見有好多泡泡就影低。
Souvenir係蜜糖，每人一盎有4種色。至Fit姐姐結婚都係用這款蜜糖，我與至Fit姐姐到而家仍然擺放係飾櫃內。
服務員上菜〝竹笙釀冬菇〞，開心果姐姐問我〝點解你唔影相既？〞，我怕阻住你地食野嘛！開心果姐姐叫我影左相先，咁我當然唔客氣影左先喇！之前既餸我都好想影架！但唔好意思又怕阻住人，真係多謝你開心果姐姐。走既時候我與老公去坐電車再轉車回家。
去飲有時都想影下 ｄ 餸， 如果有其他唔識ｏ既人同一枱， 我都一樣唔係幾好意思影ｏ架， 唔知 ｄ 人會點諗呀麻． 如果係自己友就點影都無所謂啦．
回覆刪除[版主回覆05/27/2008 14:56:00]全檯都識既！不過，都係唔係咁好意思，我怕佢地肚餓又唔出聲，所以我影都係好求其咁影咋！
點解紀念品要係蜜糖ge？
回覆刪除預意係想甜甜蜜蜜？
咁你地D蜜糖會唔會用架？
[版主回覆05/28/2008 01:05:00]我都唔知點解，不過大多數人都係用蜜糖。我就唔會用，因為有紀念價值。
哦~咁D蜜糖咪會好浪費囉
回覆刪除佢唔會壞架咩？
[版主回覆05/28/2008 22:49:00]屋企D蜜糖係鄉下拎嚟就話越舊越好，但呢D有食用日期既，我就唔敢食，因為都驚驚地嘛！食左要幫襯〝大口仔〞就慘喇！不過，我都諗過要煮嚟食。
胃食大番薯呀有個！
回覆刪除係呢~咩叫``大口仔``呀？？
[版主回覆05/30/2008 07:24:00]〝大口仔〞即係〝馬桶〞。