燒雞翼〝變〞煎雞翼

今日約左班朋友去BBQ，我8點幾就起身，一起身就睇下有冇落雨，雨就冇地下就濕濕地咁喇！我十點幾就煮米粉吃，預備12點去到沙田等，而老公就緊係仲瞓緊，我諗住11點先叫佢起身。

我米粉都未食，就收到熊貓姐姐來電，收到開心果姐姐消息，佢果邊有微雨，所以商量一下如何？對策就係熊貓姐姐與CoolMan叔叔聯絡才決定，CoolMan叔叔家住沙田，佢果邊又係地下濕濕地，望過去山果邊好大霧，所以都係取消。

熊貓姐姐通知所有人，但開心果姐姐和高達叔叔已出左門，而我、熊貓姐姐和至Fit姐姐又ready，所以我地幾個人就改為去熊貓姐姐家打馬吊。我攞埋醃好既雞全翼一齊去，高達叔叔話加多個麵，就是我地既晚餐。

我地幾個約埋一齊食lunch，而至Fit姐姐陪老公食埋先來。去到熊貓姐姐家發現家中有盞燈快燒，所以老公和熊貓姐姐落街買燈膽，我地就開始打馬吊，回到來老公和高達叔叔就一齊換燈膽。

開心果姐姐要回家辦公事，所以7點幾要走，不與我地食晚飯，我5點幾就煎左兩款味雞翼佢試食，煎既時候大家都話好香，若果係BBQ一定好好味。

佢地見我煎兩隻都用左好多時間，所以我繼續煎埋其他，有左頭先既經驗再煎花時少左，其實我都唔係煎，係用油逐隻雞翼撥，咁樣先可以確保一定熟，我由6點煎到8點幾先攪掂。

我整好雞翼就叫老公煮麵和烚菜，因為我想打馬吊嘛！大家都讚雞翼好吃，熊貓姐姐男友打完War Game和吃左東西回來，所以試左一隻南乳雞全翼，佢都話好味，若果熱食仲好添啵！我聽到大家咁講都好開心，煮野食最緊要係人人鍾意之嘛！

返到屋企照鏡，發現人中被油彈到損左，老公都見到，其實油都彈到隻眼幾次，但都係好細滴啫，不過，油彈到成件衫都係，所以成身雞翼味，煎雞翼就係咁架喇！食得開心咪得囉！