豬嘴

今朝7點起過身，感覺到個嘴腫過尋日，跟住再瞓過，7點半鬧鐘響叫老公起身，佢緊係唔係一叫即起喇！我就瞓下醒下咁叫佢，足知再叫就8點，老公就遲到左5分鐘先回到公司。

今日真係好唔舒服渾身不自然，個頭好脹痛

，嘴又腫左1/4，又隱隱痛，我等到11點幾嘴都係冇消腫，咁樣衰都唔知點出街，我就通知阿媽〝今日唔接阿B放學〞。以前生唇瘡都可以照返工，一兩日就會自動好，今次真係腫得好嚴重。

我唔駛湊阿B成日流流長點好呢？好等我執下屋先喇！今次要徹底大執

，執完對眼就好攰、頭有D暈，

簡直成個人冇晒電咁。我諗住整下蛋糕來忘記痛楚，當我拎晒用具出來，又唔想整，又將D野收返埋，心想整又的唔起心，成個人都冇晒動力。

我洗完白白照鏡

，見到水泡破了，應該係頭先洗面時弄破。晚餐等老公買回來，我今晚想食飯，因為唔想個嘴掂到其他野。食飯咬野為免掂到腫果邊，所以得半邊嘴用。老公話我唔似唇瘡，似食物敏感或者被油彈到，因為唔會腫成咁，我知係生唇瘡，加上自己熱氣咪咁腫囉！

頭先同老公玩，老公唔覺意個頭撞到我個嘴，仲要撞到正我粒瘡，真係痛到眼水都標

，即刻感覺到個嘴比之前腫和痛，照鏡水泡結焦位有少少血浸出來，嘴再腫多一半，而粒瘡好似〝飛天紅豬俠~保利〞個豬鼻咁，又腫又凸，老公話冇事，冇事我而家連個嘴唇都唔可以收入口裡，頭先仲郁到，而家郁都郁唔到丫！明天阿媽放假可以湊阿B，而家咁後天都唔知消腫未，都唔知可唔可以湊到阿B。

尋晚我又係早瞓過老公，佢食野D packing太嘈吵，又係瞓著左被佢嘈醒，我一向都醒瞓架嘛！你估好似佢咁咩，行雷都唔醒，有時老公預備瞓我都會醒一醒架，我都唔知點解，我醒左好難瞓得著，老公改善下喇！