前排老公患唇瘡，係兩星期前先好番，誰不知今日起身冇耐，就感覺到嘴某一處有點腫和口腔內有點不適，照鏡又睇唔到邊到，隔多陣就覺得痛和熱，我諗應該係唇瘡，再次照鏡就見到喇！但口腔仍感到有D唔妥，左睇右睇終於見到，口腔內與嘴唇唇瘡同一位置紅左，可能近排太熱氣所致。
早排已經瞓得唔好，半夜成日都半夢半醒，呢幾日仲半夜開始頭痛，再加上肩頸痛得比平時利害，攪到我都唔多想起身，頭痛會係我起身活動後不知不覺間消失，但通常都會係傍晚囉！
我唔舒服都整左3個〝輕盈莎莉蛋糕〞，因為盒鮮奶2日後過期，唔用埋佢就好嘥，但仲未用晒明天仲要繼續。
我湊左阿B放學回家，F先生就請左2杯布甸我吃，係咖啡布甸，但我未吃，所以未知味道如何，但我諗應該好味，因為F先生以前係開甜品舖，而且佢整野食好叻架！
今日細舅母來港，每次都會帶雞蛋和我最鍾意既〝家鄉鬆糕〞，今次仲帶左兩隻稍為用熱水〝碌〞過既雞來，咁我就用左一隻雞整〝豉油雞 (蘇施黃食譜)〞，我諗住另一隻過幾日再整另一款，但阿公話整返呢款就得，個個都話好食。
晏晝我行左幾間先搵到玉子豆腐，唔知點解咁難買，阿婆、娣婦和阿B都好鍾意食架！今晚老公可以來娘家吃飯，又可以有人陪我行回家喇！
阿媽煲左涼茶，我與老公每人一支，今晚飲完唔知明天唇瘡會點呢？會唔會發到好大呢？而家粒瘡有D隱隱痛。
資料來源：http://www.toothclub.gov.hk/chi/adu_01_04_04.html
唇瘡是由疱疹一型病毒引起的感染，通常出現在嘴唇和鼻孔邊緣，唇瘡的分泌物含有疱疹一型病毒，具有傳染性。
徵狀
當唇瘡開始出現時，患者會感到患處痕癢和灼熱，然後會發現患處出現一撮小水泡。當水泡破裂後，便變為形狀不一的潰瘍。
為甚麼會長唇瘡？
曾經受過疱疹一型病毒感染者，病毒會潛伏在身體內。當身體的抵抗力下降時，這些病毒便會再次活躍起來造成感染。導致抵抗力下降的因素包括：
l 精神壓力
l 疲勞過度
l 感冒或其他疾病
l 月經週期
l 晒太陽
處理方法
唇瘡一般會在兩星期內自動痊癒，為免引致痛楚或把病毒傳染他人，可參考以下方法：
l 患者應盡量保持患處清潔及乾爽，以免細菌感染
l 避免進食辛辣及硬的食物，以免刺激患處
l 避免用手碰觸患處，如碰觸後應立即洗手，以免身體其他部分，例如眼睛、性器官等受到病毒感染而引致角膜炎或其他皮膚病
l 避免親密接觸，例如接吻
l 可徵詢醫生或牙科醫生的意見，使用藥膏塗在患處以舒緩不適
l 如果病徵嚴重，醫生會建議服用藥物以減低痛楚
預防方法
引起唇瘡的疱疹一型病毒會潛伏在身體的神經結內。目前，還沒有藥物或治療方法可以把這病毒徹底消滅。要避免唇瘡復發，我們只有增加身體的抵抗力，例如：
l 保持身心愉快
l 充分休息
l 均衡飲食
l 適量運動
F
回覆刪除