好辛苦~不吐不快

今早我真係好唔開心

，所以我寫了這篇

〝好辛苦~不吐不快〞發洩一下，我不需要別人的認同我所寫的，至少我可以舒緩一下心情。你地睇後可能覺得我不應說家人的，但我真的〝好辛苦〞

。

我差不多每晚都是約12點幾至2點才睡，尋晚就2點才睡，今日6點幾就起左身，肥仔都問我點解咁早起身？你尋晚好夜訓喎。因為我家人很早起身(老人家)，

佢地會好大聲講野、傾計、做家務。我個人好醒訓，加上醒左又好難訓返，所以不用說大家都知點解我會咁早起身。

每個人在家中都有一個角色，而我既角色湊阿B(換片、沖涼、食奶、食粥、食藥、洗白白)、執屋

、煮餸、寫Blog、做自己野......總之好多野做

，所以我Blog的網誌不是即日post上Blog，可能是幾日後的事。我有時又要執下阿B既用品，因為娣婦要返工，勞碌左成日都會攰喇！如果仲要湊阿B就會好辛苦，而且冇時間做自己的事，所以我夜晚都會盡量湊住阿B，比D私人時間佢，有時娣婦都會說等佢自己湊，她說：「你都湊左成日，你整下自己野喇。」

我從小到大都有執屋的習慣，因為我不可以容忍〝亂七八糟〞會好唔舒服，以前肥阿哥好間唔中會執下，現在家中除了我之外，沒有人會執屋的。以前執好了，很快就〝亂七八糟〞，我就會好憎

〝發老掹〞

，現在最憎不是這樣，而是我執完後有D野唔知要唔要就group好分比所屬人仕，但幾個月後或幾年後會係另一個地方出現，並且係〝原封不動〞，我見到就更加〝掹〞。

阿B漸漸長大，所以玩的時間多，而睡的時間少，我要等到阿B睡了後才可以寫Blog或做自己的事。有時真係有〝家事〞或私人事要做就會叫家人幫手湊阿B。其實阿公&阿婆成80幾歲又唔可以湊咁耐，佢地都要休息架，更何況阿公有糖尿病&〝心臟〞做過手術，而阿婆〝心臟〞都有少少問題，老豆50幾歲，一星期返4早班(兼職)，下午2點左右放工回到家食飯。有時都會幫手既，但係佢〝心臟〞做過手術，睇一陣就話〝條氣〞唔得(阿公&阿婆從來都冇講過)，我肩頸日日都痛~又咪要湊阿B，係因為佢冇耐性、睇報紙&電視最重要。可是通常係一邊睇一邊訓，而且電話響~佢都唔聽(電話在身旁)，除非個個都唔得閒或得阿公&阿婆係到就會聽，我都唔知講咩.....。

我試過唔舒服頂唔順上床訓，當時阿B要換片，家中得阿公、阿婆、老豆係到，老豆話唔識換片，結果我都要落床幫阿B換片，之後我去睇醫係〝腸胃炎〞，經過上次之後，我病就同阿B一齊訓。

阿媽晚晚都叫早D訓，佢訓左中途醒見我未訓又叫我訓(佢見到邊個未訓都係咁講)，晚晚如是~真係好煩丫！有時我會講：「唔係而家整幾時整丫！」，不過我都盡量唔出聲，因為比娣婦聽到唔好，我知佢關心我，但係基本上我真係得夜晚可以做自己野。阿媽事無大小，連唔關我事都問我，試問我又點識答佢。佢關心到過左界變左〝煩〞，每樣事都要知道清楚~我朋友既事，唔關佢事都會問得好詳細，連阿婆都話佢〝煩〞。

之前我從來都未與老豆嘈過，但為左阿B成日都與阿媽&老豆嘈~現在漸漸改善了，你地會問點解？好簡單佢地好似黑白天鵝。例如：阿B病左、同阿B去街。阿媽：都話比多件衫佢著架喇！、都話沖涼唔好比野佢玩又唔好沖咁耐。、阿B點解又瘦左。、唔好同佢去咁多街。、去街早D返。、.....等等既野，而老豆在旁就再加多幾句，每日或每次都係講同一樣既野，好煩平時得我一個人食晒，我當然有〝發老脾〞，因為我都係一個火爆既人。

其實，湊小朋友我唔覺得難，但係咁多人一齊湊有不同的意見我就覺得難，唔係難應付小朋友，而係應付家中4個老人家難，佢地成日你一句我一句，其實佢地咁樣

我壓力都好大。如果得我一個人湊會好好多，阿B都會易教D，咁多人錫實曳。阿B食奶或食粥，食唔晒佢地又話由佢，跟住又比其他野佢食，我話唔好，阿媽又話頭先食得少，平時無時無刻都比野阿B食，梗係唔食正餐喇！阿B一日食4餐奶，阿媽都話少，健康院姑娘都話阿B而家應該食1、2餐奶，我都唔知講咩好。

我的肩頸事：

肩頸痛已折磨了十幾年，我每日都要搽〝冬青膏〞舒緩痛楚，有時還要食〝長效必理痛〞~雖沒用心理上好些，以前係扯到個頭都痛~現在少了這情況。現在夜晚要貼〝隆隆巴斯〞才可入睡~已試過不貼，但係床碌左2個幾鐘都訓唔到，後來貼了一陣就睡。所以有時令到我個人好〝掹〞常發脾氣，我都知是不對~已努力改善。我睇過西醫&照過X-Ray，醫生都話冇事，但我睇過〝趺打師傅〞話我〝肌肉勞損〞、〝頸椎移位〞，而〝推拿師〞就話頸係有問題~我唔記得左咩問題。係好多年前身體有事要長期覆診，所以與醫生說出這情況，後來寫紙我去過政府醫院專科，但只做了評估說沒事，給我幾支〝冬青膏〞而矣。終於上年去睇街症，在去之前我已上網搵過有關我的病徵的病到時可以問醫生，但醫生都說沒事，只是寫紙去照X-Ray，但我冇去拎，因為醫生話真的有事就會通知我。我知因為我喜歡鬈埋行&坐有關，但係我諗起在未痛前，有一次去〝海洋公園〞玩過山車時，我夾硬抬頭~當時條頸好似有少少事，之後冇野就忘記了，唔知關唔關事。