回到童年時

在我讀書時代時，我的髮型是長髮，前面是〝留海〞。現在的髮型是中長曲髮

，但係已不是

〝留海〞，前面的陰是長的，這樣已維持了很多年了，隨著人大了，加上我想轉變一下，在1、2年前我已經想將前面的陰剪回〝留海〞，但老公不喜歡我剪〝留海〞，所以一直都沒有剪。

之前我知道老公今日去剪頭髮，我就再同他講我想剪〝留海〞，但始終都係唔肯。尋日我已做過〝民意調查〞是有關我想剪〝留海〞，但全部人都唔讚誠

，並且我將我以前的相給他們睇，結果都係一樣，但娣婦話你問下個髮型師，佢可以比到意見你，但出黎個效果會同講有些不同，呢點我都明，這個髮型師係娣婦剪開的。現在肥仔都係去果到剪，我唔整頭髮老公就會去果到剪，我真係好想剪。

今日陪老公去剪頭髮，髮型師給我的意見係~我塊面會肥，他都不讚誠，過左一陣我又再問，

我：剪左會唔會〝後生〞些。

髮型師：剪左當然會〝後生〞些，但塊面會肥。

我：我都知，因為我以前個髮型都咁。

髮型師：你都可以試一次~頭髮都長得好快。

我望住老公，老公擰頭

。到老公剪完我就做手勢要剪，都係擰頭，我地一路行我一路又再問老公，終於老公話咁你剪喇！但我個心15、16唔知剪唔剪好，我就打比2個朋友徵詢意見，一個朋友要見到我才知，而家想像不到，另一個朋友話可以試下，於是我就同老公講剪。

髮型師將我前面的頭髮拉直後再剪短，因為我的頭髮比較還強，拉左好耐才直，但係我的頭髮又唔受電，髮型師話頭髮電死左。當我睇到我個新髮型後就令我諗起讀書時代的我，好似時光倒流一樣~真係令我懷念。唔知點解？剪完後我又唔係咁接受，但老公話比佢想像中好好多~你睇睇下就慣。

我在街上行，唔知係咪真係唔好睇，我覺得街上好似好多人望住笑我，真係想即刻怱返屋企，但係我地又要食晚飯，真係想搵

〝窿捐〞。雖然我覺得唔係咁好睇，但可以令我〝重拾童年〞。