今日好唔舒服 & 激死~~~

每日肩頸都痛，但今日7點幾起身痛到有d頂唔順&頭又痛冇咩心機

，我已經見到阿B食奶中場休息，到8點幾煲粥比阿B&開始眼花，好在阿B訓左，但我食左碗粥&如常走動冇人發現，因為有人發現就會好煩，到10點幾開始嘔水，我就食粒藥係長效腰背痛配方，之後上床休息，間左一陣阿婆落街買餸，屋企就得返2個人，到10:45阿B就醒，我抱左佢係大床一齊訓係到由佢自己玩，阿婆買完餸返黎一陣我又想嘔就叫佢睇住阿B，今次藥連粥一齊獲利獲回吐，之後又係嘔水，所以食左朱古力蛋糕，你地都知我會嘔咩。阿婆同我陪阿B玩左一陣就比粥佢食，之後我&阿B就一齊訓到15:30，我中途起身食飯，我訓醒冇眼花，阿婆病未好要再去睇醫生，咁我陪阿婆去咪順手睇埋。

雖然唔舒服，但我睇完醫生都有去買餸，我會煮洋蔥炒肥肉&蠔油牛肉，到我要煮既時候搵唔到菜心，點解？我老豆佢煮完苦瓜跟手炒埋菜心，佢以為阿媽叫佢煮埋，所以我煮得洋蔥炒牛肉咋

。

我唔記得問醫生咩病，但醫生話嘔後4個鍾唔好食野就會好，而我肩頸痛係肌肉勞損，但佢今次唔會開有醫肩頸既藥比我，因為我有嘔而果d藥好傷胃，但會比舒緩痛楚既藥&叫我早d訓，係我訓之前依然痛在2邊肩頸位都貼左撤隆巴斯，唔貼我訓唔到，希望明天會更好。