阿哥黎食飯~~~

今日起身肩頸好左好多唔痛，但用電腦一陣就開始痛，因為坐姿唔好，咁我先記得食藥，差不多4個鍾唔食藥又痛，都好過平時。

本應只係煮返尋日煮唔到既蠔油牛肉，但知道阿哥返黎食飯，咁我就煮多款餸，就係洋蔥豬扒&豉油雞，這2樣餸都係跟〝蘇施黃〞既食譜整，原本隻雞阿媽拎黎烝，阿哥都有講返黎食飯都係食飯盒餸，平時返公都係食呢d，有咩餸就是會有炒菜、買燒肉&雞，所以我就煮多d餸。

尋日阿哥返黎同阿B玩得好開心，因為未來阿嫂公司有野做遲d黎，我地就留返飯和餸比佢，阿B5點幾食完奶，開始眼訓，扭下又玩下到7點幾放牀仔等佢訓，可是我煲熱左d粥，咪入去引下佢，點知佢食喎，咪出返廳食，到我地食飯放左阿B係牀仔，但唔肯訓扭計，唯有擺佢係廳睇住我地食，阿哥食完抱佢睇住我地食，佢又吞口水又流口水好想食，到伯娘黎食飯時，阿B係咁望住，所以伯娘就比左一d飯佢食，但最終阿嫲裝左小小飯比佢媽媽餵佢，佢係一個大食B。

食完飯我地落去Supermarket買"Coca-Cola Zero"，有好多氣幾好飲架係Zero Sugar (印係罐身)，回到家中阿B一路食一路訓，因為佢已經好攰lu。