蘿蔔糕 (第二次作品) (內附食譜)

蘿蔔糕

今年新年係食得最多蘿蔔糕既一年，我一個人都食左2底。

第二次材料加多左1塊片糖，而做法都有些少不同。今次都係蒸左好耐都有粉漿沾在竹簽上，加上要蒸5底，所以比上次仲夜，不過好在阿媽提醒我用埋個電飯煲蒸，連2個爐頭可以同一時間蒸3底。今次既口感比上次好，因為我的材料比上次切得大粒D。

接下面比例用了9斤蘿蔔，做了5底19.5cm鍚紙兜。

材料：

蘿蔔　　　　　　　　　　　6斤

片糖　　　　　　　　　　　1片

粘米粉　　　　　　　　　　1包(600g庄)

臘腸                                 適量

蝦米　　　　　                  適量

冬菇                                            適量

調味料：

糖                                    適量

鹽                                    適量

胡椒粉                              適量

做法：

1.      蘿蔔刨好，榨乾水份，另外用一小碗盛起，備用。

2.      蘿蔔水內加入粘米粉拌勻，備用。

3.      起鑊下油，加入冬菇、臘腸、蝦米炒香，放入蘿蔔絲、片糖和一小碗蘿蔔水煮至軟身。

4.      再放入調味料和冬菇、臘腸、蝦米，爐火關至小火，慢慢加入粉漿水，邊下邊拌至稠身便可。

5.      大火蒸1小時45分鐘。