焗薯發糕 (內附食譜)

原食譜係用番薯，因為我買左焗薯做薯茸，但係用唔晒，所以我用左黎做蛋糕&釀雞翼，我蒸左45分鐘用牙籤拮都係有野痴住，但係我都係冒險熄火唔蒸，因為蒸得太耐，待涼後切比婆婆食，結果係點又係果句&好香蛋味添丫，但涼左後用刀切就冇痴，終於阿婆一個人食晒，梗係唔係一日食晒喇！

焗薯發糕

材料：

焗薯                100克

麵粉                100克

糖                    100克

蛋                    3隻

菜油                50毫升

發粉                1.5茶匙

做法：

1.           將焗薯去皮切片，隔水蒸10分鐘至熟透，然後將焗薯片壓爤成薯茸。

2.           將麵粉、糖放入大碗中，再加入蛋及菜油拌勻，待一切材料拌勻後，最後加入焗薯茸再拌勻。

3.           發粉加約3湯匙水拌勻後，快速地拌入混合物之內拌至起泡。

4.           放到直徑約3吋的蛋糕模內，隔水蒸約20分鐘，如用較大蛋糕模則要蒸更長時間。

貼士：

趁番薯剛蒸起時即壓爤，因為待得太久番薯會變硬變乾，較難壓爤之餘味道亦無咁香。另外亦可以選紫芯番薯，令蛋糕帶點紫色。