今日下午2點幾老豆放工返黎食飯，阿B食奶中場休息望住阿爺d餸(同平時一樣)，但突然之間聽到........〝包包〞仲講左幾次，跟住下午5點幾又係食奶中場休息，佢又突然間講〝奶奶〞，嘩！開心死我
阿B今日訓覺就 "No Good" la，明明眼訓都要係床到扭來扭做拱橋，但係就冇扭計，今晚唔知會點呢
2007年3月30日星期五
2007年3月29日星期四
蒜蓉辣雞翼 (內附食譜)
其實同釀雞翼一樣
。
材料：
雞翼 2磅
蒜茸
辣椒絲
醃料：(全部用適量)
蛋白 1隻
豉油
老抽
糖
麻油
生粉
做法：
1. 雞翼洗淨，瀝乾水待用。
2. 用醃料醃雞翼最少1/2小時。
3. 將醃好既雞翼拎去炸。
4. 爆香蒜頭&椒絲，加入炸好雞翼，即成。
大嫂大嫂我愛妳 ^_^
尋日15:45收到阿哥SMS話上機去馬爾代夫渡蜜月，今日就收到大嫂mail，仲有相添，我好開心丫
果到咁熱，大嫂我就唔擔心，因為佢係一個既標緻又fit既可人兒，而我個肥阿哥(wakaka)咁怕熱，唔知佢有點呢
我係他們上機前已約左，待他們回來時我煮一餐比佢地食，賀他們渡蜜月甜蜜歸來我地個大家庭，同埋快d生個豬BB......kaka......加油加油。
由於幅相太大，我將它縮細左，你地話幅相靚唔靚呢？我就覺得Beautiful。其待再有新相睇丫！
2007年3月25日星期日
大日子終於到喇~阿哥&大嫂完成愛情長跑
今日是什麼日子？是我阿哥結婚大喜日子！早上6點幾起身，預備另一樣食物就係春卷是也。昨晚炒左d料，而家要包餡，跟住拎去炸，我一共整左30幾條，有多好過唔夠丫麻
突然聽到好熱鬧聲音，終於黎到喇，我見到一位英偉不凡既新郎和一位美麗溫柔既新娘，由於家中地方淺窄，所以係屋外招待兄弟姊妹團，等大家休息左一陣，我就將預備好既食物拎出來，到最後銷量最好係春卷
下午到達中環大會堂婚姻註冊處下車時雖然有少少雨粉，但各人既開心高興的心情依然沒有退減，整過程在一片歡呼聲和掌聲之中完成。
黃昏時段賓客陸續到賀，在開席前播影片，都令我想起小時候的事，整夜席上都沒有什麼特別事，唯一一件就係我，笨手笨腳的我抱住阿B玩，點知阿B流口水，我心急拎紙巾抺，但不小心打翻了氣水，令我左手邊位濕晒，而坐係我左手邊就係新娘子，亦即是我大嫂，幸好大嫂之前入左去換衫未出黎，待大嫂回來我有講比佢聽，大嫂唔介意，但令我實在唔開心，所以之後我都冇食過野&唔咁抱阿B，成個人都冇晒心機，到而家我都仲係唔開心。
阿哥&大嫂快d生個金豬出黎同阿B一齊玩，加油！加油！
送給哥哥&大嫂結婚的一點心意
早上8點正就起身喇！點解咁早？咪就係聽日係阿哥結婚大日子囉，我預備左一點心意送比佢，就係焗一些小食等兄弟姊妹食，但我今次要預備多d，因為之前阿哥話有10兄弟姊妹，即係20個連攝影師，一共有20幾人，而我焗左蝴蝶酥、蛋糕仔、牛油曲奇&綠茶牛油曲奇，呢個過程歷時10個小時，大家唔好見我整左咁耐就驚，因為我手腳慢，我諗其他人唔駛咁耐。焗完出黎效果綠茶曲奇最醜樣，唔知大家鍾唔鍾意食呢
早上11點幾焗好曲奇放左一d係碟上，因為食唔晒冇封疏氣，到傍晚已經淋晒，所以要存放得好好，先可以保持鬆脆。
夜晚回家中，要繼續開工，點解？因為仲有一樣要明天整先好食，但而家要整定一部份先，希望這小小心意阿哥&阿嫂會鍾意
2007年3月23日星期五
豉油雞 (蘇施黃食譜) (內附食譜)
豉油雞係阿媽既拿手小菜，自小就好鍾意食，但唔知點解一路大食既幾會小左，阿媽只係係街買返黎食咋，我成日都想學整，但係成日都賴冇問阿媽點整，而且買一隻雞又貴，果日見到屋企有隻未熟既雞，心想“好想拎黎試下整豉油雞”，突然聽到阿婆話拎去整白切雞，心想“今次幾會黎喇”，我話唔好喇，成日都食白切雞，等我整豉油雞，好野~~，真係開心死我，我就即刻搵下阿蘇食譜有冇呢味餸，果然比我搵到有喎~~
今次用左1斤多d既雞和紹興酒，我落老抽多左d，所以個汁咸左d，我唔係屋企時阿媽有整，肥仔話大家都一樣，但阿媽就冇我咁咸！
豉油雞
材料：
雞 約2斤 1/2
薑 3片
片糖 2 塊半
生抽 少許
玫瑰露酒 少許
水
老抽
做法：
1) 把雞尾斬去。把雞洗淨，抺乾。
2) 在鑊加少許油，爆香薑片，加大量老抽、少許生抽、2塊半片糖、適量的水、少許玫瑰露酒。
3) 將雞落鑊，中火煮15分鐘，將雞反轉，再煮15分鐘，轉細火，再將雞反來反去煮至雞腍 (大概全程要用45分鐘)。如汁太杰，加熱水。
4) 將雞斬開，加汁即可上碟。
洋蔥豬扒 (蘇施黃食譜) (內附食譜)
本人不太喜歡食豬扒，但這個〝洋蔥豬扒〞我就鍾意食。
材料：
洋蔥 2個
豬扒 3-4塊 (每塊分4份)
蛋白 1隻
做法：
1) 用刀背將豬扒拍鬆。
2) 順序以適量生抽、老抽、糖、胡椒粉、蛋白1隻等和豬扒混和醃味。
3) 將豬扒放入雪櫃冷藏15分鐘。
4) 從雪櫃取出，再加入生粉、麻油、油、水。
5) 用油爆香洋蔥，加入老抽及糖，備用。
6) 以中大火1煎熟豬扒。
7) 加入洋蔥及水後試味，待豬扒收水，洋蔥汁變濃稠即成。
貼士：
1. 豬扒須煎至金黃及帶焦。
2. 如汁不夠杰可加生粉水埋茨。
蠔油牛肉 (內附食譜)
老公&肥仔都好鍾意食呢樣餸，有呢味餸肥仔仲會添飯添丫
蠔油牛肉
材料：
牛肉 280克
菜心 1斤
蒜茸 1湯匙
調味：
水 1湯匙
糖 1茶匙
生粉 1 1/2茶匙
生抽 1湯匙
油 1 1/2湯匙
獻汁：
水 4湯匙
蠔油 1 1/2湯匙
糖 1茶匙
生抽 1茶匙
老抽 1茶匙
生粉 1/2茶匙
麻油 少許
做法：
1. 將牛肉切片，加調味料醃約1/2小時。
2. 燒2湯匙油，爆香薑片，加入蔬菜炒透，上碟。
3. 燒3湯匙油，爆香蒜茸，加入牛肉炒透，倒入獻汁，拌勻，將牛肉排在蔬菜上。
備註：
蔬菜可以烚，不用炒。
2007年3月22日星期四
阿哥黎食飯~~~
今日起身肩頸好左好多唔痛，但用電腦一陣就開始痛，因為坐姿唔好，咁我先記得食藥，差不多4個鍾唔食藥又痛，都好過平時。
本應只係煮返尋日煮唔到既蠔油牛肉，但知道阿哥返黎食飯，咁我就煮多款餸，就係洋蔥豬扒&豉油雞，這2樣餸都係跟〝蘇施黃〞既食譜整，原本隻雞阿媽拎黎烝，阿哥都有講返黎食飯都係食飯盒餸，平時返公都係食呢d，有咩餸就是會有炒菜、買燒肉&雞，所以我就煮多d餸。
尋日阿哥返黎同阿B玩得好開心
食完飯我地落去Supermarket買"Coca-Cola Zero"，有好多氣幾好飲架係Zero Sugar (印係罐身)，回到家中阿B一路食一路訓
，因為易煮麻意式豬扒 (內附食譜)
！而個汁就係做Pizza既茄醬，因為上次整Pizza用唔晒，我又唔想浪費，加上肥仔話我以前煮過茄汁豬扒好好味，但耐到我都唔記得整過，咁咪試下用黎整做豬扒個汁，咁又得左，又可以慳家，Ha~~Ha~~~!！意式豬扒
豬扒 5件
醃料：
蛋白 1隻
生抽
老抽
糖
胡椒粉
茄醬：請參閱『醬汁』
做法：
1) 用 刀 背 將 豬 扒 拍 鬆 。
2) 順 序 以 適 量 生 抽 、 老 抽 、 糖 、 胡 椒 粉 、 蛋 白 1 隻 等 和 豬 扒 混 和 醃 味 。
3) 將 豬 扒 放 入 雪 櫃 冷 藏 15 分 鐘 。
4) 從 雪 櫃 取 出 ， 再 加 入 生 粉 、 麻 油 、 油 、 水 。
5) 以中大火煎熟豬扒，將豬扒切件，備用。
6) 煮好醬汁，放入豬扒，炒勻一陣，即可上碟。
今日好唔舒服 & 激死~~~
每日肩頸都痛，但今日7點幾起身痛到有d頂唔順&頭又痛冇咩心機
雖然唔舒服，但我睇完醫生都有去買餸，我會煮洋蔥炒肥肉&蠔油牛肉，到我要煮既時候搵唔到菜心，點解？我老豆佢煮完苦瓜跟手炒埋菜心，佢以為阿媽叫佢煮埋，所以我煮得洋蔥炒牛肉咋
我唔記得問醫生咩病，但醫生話嘔後4個鍾唔好食野就會好，而我肩頸痛係肌肉勞損，但佢今次唔會開有醫肩頸既藥比我，因為我有嘔而果d藥好傷胃，但會比舒緩痛楚既藥&叫我早d訓，係我訓之前依然痛在2邊肩頸位都貼左撤隆巴斯，唔貼我訓唔到，希望明天會更好。
2007年3月21日星期三
2007年3月20日星期二
，你睇下佢幾〝古靈精怪〞今日估下阿B講乜野呢~~~
今日阿Bee下午1點幾唔肯食奶，真係比佢激死
，成日都係咁，咁以我既性格我梗係氹佢喇，但氹完都係唔係肯食，我就鬧佢~~~點知鬧左一陣，佢居然講野丫，阿Bee未識講野，但我聽到個音係，最終奶梗係倒左喇，之後就同佢洗白白，跟住比粥佢食，就覺豬喇！
訂閱：
文章 (Atom)