驚喜兩日@Taste

我呢兩日都有去〝Taste〞，被我發現有平野，想同大家分享一下，不過，唔知係咪每間〝Taste〞都一樣，大家不妨去睇下。

今日想整蛋糕要用橄欖油，又係想大製作，但舊果支都差不多要拜拜，所以頭先去〝Taste〞買。我係貨架搵唔到用開既〝佳之選〞，即係〝百佳〞出品，佢既出品會平過其他牌字，冇就唯有格下價喇！

我選左〝The Village Press〞，它有500毫升，減價後一支〝$38.9〞，比起其他牌字、同一容量，平十蚊有多。我用緊舊果支係〝佳之選〞，減左價都要三十幾蚊，但容量得250毫升，呢支係咪好抵呢？

我再買多盒粟粉和一盒屋仔奶，到結賬時埋單都係〝$36.6〞，雖然，我塞住耳聽住歌，但我知我冇聽錯，因為一百佢找回六十幾。

我望下張單，支500毫升〝The Village Press〞橄欖油，係〝$26.9〞咋！張單總數，仲平過支油係貨架標價，嘩~真係抵上加抵。

前晚我係烘焙店買無鹽牛油，一舊要18蚊，我買左兩舊。尋日我又去左〝Taste〞買晚餐材料。我又走過去凍櫃睇下，點知一睇就被我發現又有平野，之前我係
〝突然~壞心情〞都有講過呢隻牛油。

今次呢隻無鹽牛油，減價一舊〝$15.9〞，仲要係250克，比平時的多出50克，我又掃左兩舊，我想買多幾舊，但雪櫃已經有，而且前日又買左，買咁多老公會鬧。