20 December 2008
上年先知道〝麥麥〞既〝媽咪會〞唔一定係媽咪先入得，但已錯過徵收會員的機會，每年名額有限，入會費都不同，我等左成年終於等到。
我係11月時問過，要12月先收會員，有次與熊貓姐姐經過再問，職員話今個月20號就開始收會員，而且又比左兩張卷我地，憑卷額外多份神秘禮物。
今日我去參加阿B〝聖誕派對2008@學校〞前，就去左申請，我填完後問〝係咪淨係可以女士參加？〞，職員話〝唔係〞，我即刻幫老公申請埋，但簽名要後補，居然職員話〝可以代簽〞，咁仲方便。
我有要事，所以全部禮物都要今晚先拎，我見到熊貓姐姐和至Fit姐姐，就問佢地入唔入。夜晚我去完街就再同佢地申請，但係迎新禮物係先到先得，所以佢地禮物係唔齊，我就將老公果份分比佢地，因為老公都唔啱用既。
迎新禮物，隻杯我就冇分到比佢地，因為我與老公可以成一對嘛！
呢份就係神秘禮物，有2個八達通套，三本memo pad。
0....2009媽咪會開始申請喇? 咁我要快d去申請先...真係著數好多....
回覆刪除我上年都有申請,今年又係送番呢隻杯呀~
我地仲會申請埋麥樂會.....
[版主回覆12/22/2008 21:41:00]係丫~快D去續會喇！唔係好快冇架喇！
我覺得麥樂會著數啲，所以我參加咗麥樂會．
回覆刪除[版主回覆12/22/2008 21:42:00]職員都有問過我入唔入〝麥樂會〞，但係我唔知咩來的，又趕時間，所以冇去了解，咁等我去了解下先。
我好想知乜野係媽咪會啊? 有d咩著數嫁? 我成日都食mcdonald嫁!
回覆刪除[版主回覆12/22/2008 21:48:00]查實我都唔清楚，只係朋友話著數，果日問左幾句，買over24蚊野食，就可以享用不同麥當勞之食品優惠，仲有本coupon，可以有免費獲贈幾期有關BB既雜誌，仲有買野有discount。
請問入左媽咪會有乜野優惠呀 ?
回覆刪除我屋企樓下就有間麥記，我經常都有幫襯 ga ~
[版主回覆12/22/2008 21:47:00]查實我都唔清楚，只係朋友話著數，果日問左幾句，買over24蚊野食，就可以享用不同麥當勞之食品優惠，仲有本coupon，可以有免費獲贈幾期有關BB既雜誌，仲有買野有discount。
我通常會申請小童個張 !
回覆刪除[版主回覆12/22/2008 22:28:00]係咪即係〝麥樂會〞？真係咁好，等我去了解下先。
咁我都要快d去續會先得啦
回覆刪除[版主回覆12/24/2008 21:57:00]今日仲見到有，但都要快，你知喇好快冇晒！
E......乜咁快又有得申請呀, 等我都申請返張先!!!
回覆刪除[版主回覆12/24/2008 21:57:00]要快D，因為好搶手。
媽咪會用泥做咩架？
回覆刪除[版主回覆12/28/2008 09:54:00]查實我都唔清楚，只係朋友話著數，果日問左幾句，買over24蚊野食，就可以享用不同麥當勞之食品優惠，仲有本coupon，可以有免費獲贈幾期有關BB既雜誌，仲有買野有discount。