做冬飯‧娣婦生日飯

今日既是娘家提早〝冬至〞吃晚飯，更是娣婦正日生日，記得上年也是這樣
(一日三〝慶〞)，真係咁啱得咁橋。我諗住係娘家煮一餐大家吃，事關我都有好耐冇係咁齊人食飯時煮餸，但阿媽話出街食，咁唯有出街吃喇！

阿媽今日休息，所以阿B放學我都不用接，在家中整左〝鮮忌廉蛋糕〞賀娣婦生日。其實，阿B返學後都有D悶，常常都要搵野做來打發時間，因我肩頸痛的問題，又唔可以坐係電腦前太耐，包、餅又不能整太多，所以今日我又做下Mask，又執下野、睇下電視咁過，電視比以前睇得多左。

今次又係去返上次果間酒樓吃飯〝阿媽生日@2008〞，上次試過不太好吃，但因為近娘家，對老人家會方便D。今次唔叫餐，我地散叫左十個餸，今次再試真的比上次好，係樣樣都有改善，散叫與上次叫餐價錢都係差不多，下次都係唔叫餐好。

乳鴿：一般食開的味道，冇特別。

片皮鴨：我見到有人叫，所以我又order，真係片得皮，冇肉，但就有少少肥膏，皮好脆，皮片得少，都烤得好好味。

鴨燜茄子：鴨係頭先〝片皮鴨〞的，這是一鴨兩吃，但燜得唔夠時間，所以鴨不夠腍，而且味唔夠，全晚得這味餸不好。

芝士鮮蝦依麵：這個係我order，因為生日，生日要食麵，寓意〝長壽〞，上次阿媽生日冇order，因為我到既時候，已order晒餸。阿B有添食，係味淡左D。

蝦釀豆腐：雖然，我冇吃，但係成碟清，應該都唔差既。

西蘭花炒帶子：上次淡茂茂，今次味夠，西蘭花又〝chop choop〞聲，我最鍾意。

腰果椒鹽鮮魷：鮮魷唔靭，炸漿不厚，炸得不錯。

海鮮卷：肥仔request既，都係一般咁喇！

胡椒豬肚湯：D胡椒好勁，我都覺得有D辣，肥阿哥話〝正〞。

呢條好似係倉魚，我唔吃魚，應該都好味，又係成條清。

食完飯係糖水黎之前，就叫娣婦切蛋糕，大家都話好吃。我與老公行路回家，行下傾下，老公話我係一個唔合格既裝修師傅，佢係話我個蛋糕刎cream刎得唔好。